"Өзгөчө өткөрөм деп сайрап койгом". Назира Айтбекова мүчөлүү жашын ооруканада тосууда

Теле алып баруучу, актриса Назира Айтбекова бүгүн, 7-ноябрда 36 жашка толду. Ал бул ирет туулган күнүн "өзгөчө" өткөрүп жатканын айтат. Тагыраагы, Назира айым ооруканада жатканын, жанында апасы, уулу бар экенин билдирди.

"Быйыл 36 жашка чыктым, мүчөлүү жашым. Буга чейин "ушул туулган күнүмдү өзгөчө өткөрбөсөмбү?!” деп сайрагам. Кудай берди окшойт тилекти (күлүп). Азыр жанымда апам, балам бар. Үчөөбүз белгилеп жатабыз", - деди ал.

Ал эми ден соолугу тууралуу сураганыбызда Назира Айтбекова аллергиялык астмасы бар экенин айтат.

"Бул илдет мурдатан эле бар болчу. Бир аз сыркоолоп калгам, чала-була дарыланып жүрө бердим. Көр оокат деп суукта съёмкаларда, тоо-таштарда жүрүп суук өтүшүп, дене табым жогорулап калганда гана жакындарым ооруканага алып келип жаткырышты. Бүгүн дарыланып жатканыма 7 күн болду. Азыр абалым жакшы, дене табым калыбына келди. Аллергиялык астма жүрөккө берет, жүрөгүмдү текшерүүдөн өткөрүштү, жыйынтыгы күтүлүүдө. 2-3 күндө ооруканадан чыгып калам", - дейт Назира айым.

Назира Айтбекова 1985-жылы 7-ноябрда Аламүдүн районунда туулган.

1992-1994-жылдары Балыкчы шаарындагы Токтогул Сатылганов атындагы №10 мектепте, 1994-1997-жылдары Саякбай Каралаев атындагы мектепте, 1997-2002-жылдары Ленин атындагы гимназияда билим алган. Андан кийин эл аралык "Ата түрк Ала-Тоо" университетинин филология факультетин аяктаган.

Иш тажрыйбасын 2005-жылы "Хит Парад" программасында алып баруу менен баштаган. Андан кийин "Ала-Тоо" маалымат программасында журналист, диктор, "Браво" теледолбоорунда алып баруучу, Коомдук телерадиокорпорациясындагы "Замана", "Аалам сырлары", "Алтынчы күнү кечинде" телеберүүлөрүндө эмгектенген. Мындан тышкары Түркиянын "ТРТ Аваз" телерадиокомпаниясынын айрым долбоорлорунда иштеген.

Бир катар иш-чараларды алып барган. Ошондой эле "Быйыл сөзсүз күйөөгө тием 1-2", "Көк-Салкын 1-2" жана башка тасмаларга, "Эл эмне дейт " скетч-шоусунда роль аткарган.

Учурда бир уулдун энеси. 7-ноябрдан жылнаамасы.

Автор: Бактыгүл Момбекова
Фото: Назира Айтбекова

17:23 07-11-2021

Жазылуу

РУБРИКАДАГЫ СОҢКУ КАБАРЛАР

19:33 2025-05-01 | Түркүн дүйнө

Орус ырчысы Григорий Лепс 19 жаштагы сүйүктүүсү менен боло турган тойду жылдырды 1485 0

19:12 2025-05-01 | Бизнес-Инфо

Кешбэк менен эс алуу: Bakai Bank менен көңүл ачууга 5%га чейин 153 0

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 893 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 2351 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 962 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 978 0

Архив

Комментарийлер (9)

Bishkek-Kg

2021-11-07 19:30:55

Булда жеткен ж да!!!

-5

Datka7777

2021-11-07 21:59:49

Bishkek-Kg, ж дегенин не?

TIMON_BERKOWITZ

2021-11-07 19:52:01

Шүгүр кылбагандыктан болгон балээ.

-6

alimbek94

2021-11-07 20:04:03

Азамат. Айыгып кет. Ушундай темир муноздуу, эч кимге багынбаган жан болуп журо бер

Fernando_Torres

2021-11-07 23:56:54

alimbek94,биринчиден туулган кун откор деп сага өмүр берген эмес адашып сүйлөп алган эмессиңби сен эмес пайгамбар дагы тоскон эмес ошол дин жетишпей адашып жатасынарда туулган күндү тосуп болбойт ИСИЛАМДА жок Ар бир уктап турганын өлүп тирилгенге тете болот даватка бир чыгып келсең бираз адам болот белең дегенимда

suban78

2021-11-09 11:41:57

Fernando_Torres,жакшы тилек айтып койсон бомок созунун аягында бир аз болсо да.

Jolin

2021-11-08 00:59:08

АЛЛАХЫМ шыпаасын берсин! Апандын, уулундун мандайында жаркырап аман бол! Негатив жазгандарга конул бурба, Аллахым аларга ыйман берсин!

Dembele84

2021-11-08 08:30:01

Ушул кызды жаза бербегилечи нерв кылып адамды!

Birimdik5555

2021-11-08 17:48:08

Астма бронхит да сакайбас оору мен да ошол оору менен жабыркайм сакайып кет ылайым,бактылуу бол. Чакылдап кыйын, сулуу кыз

Комментарий калтыруу үчүн өз ысымыңыз менен кириңиз же каттоодон өтүңүз.