"Телефонго байлабастан компьютерде колдонууга болот". WhatsApp мессенжеринде жаңы функция ишке киргизилди

WhatsApp мессенжерин эми телефонго байлабастан компьютерде колдонууга болот. Бул тууралуу чет элдик басылмалар жазып чыгышты.

Маалыматка ылайык, WhatsApp мессенжеринин жаңы бета версиясы каалаган колдонуучуга жеткиликтүү. Тестке катышуу сунушу тиркеме WhatsAppтын рабочий версиясы менен синхрондоштуруудан кийин пайда болот. Колдонуучу жаңы функцияны колдонгондон кийин ээсинин смартфону бузулуп калса дагы WhatsApp'ка кирүү үчүн кайра авторизациялоонун кереги жок болот.

Бир аккаунтту төрт түзмөктө иштетсе болот. Бул опцияны ишке ашыруу WhatsApp'тын коопсуздук системаларын толук оңдоону талап кылган.

Бета сыноо этабында өзүнчө чектөөлөр колдонулат. Тактап айтканда, программаны акыркы версияга жаңырта элек байланыштарга үн жана видео билдирүүлөрдү жөнөтүү мүмкүн болбой калат.

Автор: Алина Айдарбекова