Садыр Жапаров Энергетика министрлигинин 140 миллиард сомго жакын карызы бар экенин айтты

Президент Садыр Жапаров коомдо талкуу жаратып жаткан электр энергия маселеси боюнча түшүндүрмө берди. Бул тууралуу президенттин Фейсбуктагы расмий баракчасына жарыяланды.

"Коомдо катуу талкуу жаратып жаткан электр энергия маселеси боюнча түшүндүрмө жана толук маалымат берип коюуну туура көрдүм. Антпесем мени келе калып эле энергетика системасын кризиске батырып салгандай көрсөтүп, сындап жаткан айрым жарандарыбыз социалдык түйүндөрдөн түшпөй жатышат.

Акыркы он жылдан бери бир дагы ГЭС салынган эмес. Суунун башында туруп, кошуна өлкөлөрдөн кышкысын электр энергиясын сатып алып турушкан. Кыргыз өлкөсү үчүн бул өтө уят иш. Арзан баада алса дагы мейли дейсиң го. Бир киловатты беш сомдон алышып, элге 77 тыйындан берип турушкан. Албетте, беш сомдон деп кагаз жүзүндө көрсөтүлгөнү менен чыныгы баасы арзан эле болсо керек... Калганы чоңдордун чөнтөгүнө кетип турган. Балким, ушундай кызыкчылыктарды улантып, жыргап жашай бериш үчүн өзүбүздө жаңы ГЭСтерди курушкан эместир?

Ошентип жеп келишип энергетика системасын банкрот абалга жеткиришкен. Жыйынтыгында 140 миллиард сомго жакын карызга батырышкан. Бүгүнкү күндө мына ушул сумманы Энергетика министрлиги ички жана тышкы булактарга карыз. Бул деген "банкрот" дегенди билдирет.

Былтыр мен ишке жаңы киришкенде энергетика системасынын абалын көрүп алып төбө чачым тик турган. Ошондо эле Энергетика министрлигине мындан ары бир тыйын карыз албайсыңар, импортту беш сомдон алууну токтотобуз деп тапшырма бергем.

Бизде өздүк наркы канча болсо ошончодон алабыз же өзүбүздөн иштеп чыгабыз. Мына бүгүн импорттун баасы эки сомдун тегерегинде болуп жатат. 140 миллиард сом карызды көбөйтпөстөн четинен кутулуп баштадык. Кичи жана орто ГЭСтерди сала баштадык", - деди президент.

Ошондой эле Садыр Жапаров жакынкы жылдары энергетика системасы кризистен чыгарын белгилеп өттү.

"Кудай буюрса, 2024-2025-жылдары энергетика системасын кризистен алып чыгабыз. Импорттоочу эмес, экспорттоочу өлкөгө айланабыз. Ага чейин энергетика министри Доскул Бекмурзаевди “куурдак" кылып кууруп жесеңер дагы бул система кризистен чыкпайт. Анча-мынча мүчүлүштүктөр сөзсүз болот. Айла жок чыдайбыз", - деди президент.

Автор: Айжанар Рыспек кызы

13:22 09-11-2021

Жазылуу

РУБРИКАДАГЫ СОҢКУ КАБАРЛАР

17:23 2025-06-08 | Түркүн дүйнө

UFC чемпиону Двалишвили Трамптын алдына чөгөлөдү (видео) 359 0

16:10 2025-06-08 | Түркүн дүйнө

Журналисттерге Украина аскерлеринин сөөктөрү көрсөтүлдү (видео) 925 0

15:45 2025-06-08 | Коом жана турмуш

Белгилүү фотограф Эржан Кадырбеков уулдуу болду 458 0

15:30 2025-06-08 | Коом жана турмуш

Кара-Сууда асфальт жана бетон өндүрүүчү ири завод ишке кирди (видео) 455 0

15:05 2025-06-08 | Түркүн дүйнө

Индияда дүйнөдөгү эң бийик темир жол көпүрөсү ишке киргизилди (видео) 725 0

14:31 2025-06-08 | Түркүн дүйнө

Футбол жылдызы Неймар коронавируска чалдыкты 480 0

Архив

Комментарийлер (13)

BISHKEK-312

2021-11-09 13:29:54

Туура эле айткан, жанагы көмүр жаккысы келбей, электирге үйрөнүп калгандар эле айтып атат муну, кичине аракет кыдып көмүр жагып, электирди экономдоп турушубуз керек чындыгында!

Brilant-zhylan

2021-11-09 13:59:35

Домдо жашагандар кантип комур Жагат ал жагаында ойлонуш керек да

Ala.too.456

2021-11-09 14:10:55

Азр айылга барсан деле уйлорду жылуу пол кылышып, комур жаккысы келбейт. Домдордо эми отопление бар, мындай жер уйлор бир эконом кылып комур жагып, мамлекетке куч келтирбей, бир аз туура тушунуп турсак. Балким бул кыш оор болуп, чондорго сабак болуп, кийинки жылга жакшы даярданышып, келээрки кыш женил болоор...

Tursunbaev1978

2021-11-09 17:16:28

Ala.too.456,30-жылдан бери чыдап келе жатат эл,сууну сатканды токтотпосо,жылдан жылга хуже боло берет,көзөмөлдөгөн эч ким жок,анан чыдагыла деп коюуш оңойда,чоңдоруңа сабак болбойт,элди ойлогон адам жок,кыш суук болобу,жеңил болобу,эптеп чөнтөктү толтуруш керек,колуңардан келгенин кылгыла,свет өчөт дептир

Baha.Kyrgyzstan

2021-11-09 14:13:39

Бул сумманын 100 милиарды чиновниктерде болсо керек канча миңдеп төлөбөй жүргөндөрдө

Antiradikal3

2021-11-09 14:54:42

Билип билбей, тушунуп тушунбой кошомат кыла беришет. Садырынар элди ойлонону чын болсо 300-500 мин доллар коротуп Глазгого барат беле? Чириген бай Кытай менен Россиянын лидерлери Глазгого барбай эле, онлайн катышып соз суйлошту. Садыр элди ойлогону чын болсо ошол акчага Бишкектин жака белинде квартиралап кун кечирген кеминде 3000 уй-булого 2 тоннадан комур алып берсе болмок......

Ala.too.456

2021-11-09 20:50:59

Antiradikal3, Ушу сенин оозундан жакшы соз чыкбадыда. Акылын жетбесе деле суйлой берет экенсин. Мне Глазгого барып ойноп келиптирби? Эртен эле былжырап чыгасын, Бишкекти тутун басты, Садр каякты карап атат -деп. Глазгодо ото кучтуу мамлекеттердин башчылары менен жанаша жургону жаман нерсе эмес. ГЭС куруу учун инвестиция тартуу боюнчада сунуштарын берип, кээ бир олколордун конулун буруп келди

-3

Antiradikal3

2021-11-10 09:02:51

Ala.too.456, Бишкекти тутун басса, ошонун себептерин иликтоо керек, эмнеге мындай болуп жатат деп. Туш келди имараттар курулуп жатат, шамалдын жолу буулуп, бул бир. Экинчиден аймактарга конул болунбой, аймактар онуктурулбой, эл Бишкекке конуш которуп жатат бул эки, учунчудон унаа кобойду, бул уч, тортунчудон каяктагы чупурок, балон ж.б. отко жагып жатышат, бул торт. Мына ушулардын устундо иш алып барса Бишкек смогдон арылат. Ушуга башы жетпесе президенттикке балээ барбы?!

-1

Antiradikal3

2021-11-09 14:58:06

Кустуруп жатам дейт, кана кустурганы? Ошол энергетика тармагында миллиарддарды сугунуп жургондордун бири Сайдилла Авазов абактан чыкты, кана, канча кустурду? Бишкек ТЭЦти реконструктризациялоодо кеминде 100-200 миллион долларды жегендер Окмотко канчасын кусту? Хотя бы жарымын кустура алдынарбы?! Жок! Жапаровунар куру популист болуп эле суйлой берсе, куноону башкаларга оодарып... Озу бир жыл ичинде эмнени кыйратты?!

Ela93

2021-11-09 17:36:15

Бир жылда баары озгорушу кыйын нерсе, Antiradikal3,га окшогон Эл бузарларга конул бурбагыла демекчимин! Глазгого барганы бул дуйно элине Кыргызстанды таанытуу"конул бурдуруу" болуп эсептелет! Айтаар элем сага Antiradikal3, Адахан Мадумаровго ыйман,тазалык,тартип дейсинер! Кана силерде ушулардын бироосу жок. Нуржигит Кадырбековдой болгула силер! Ыйманы бар киши ушул кишидей, бироонун бетин тыткылабайт, гыйбат кылбайт! А силер болсо чётко бир сунушбербей, ал жаман бул жаман дейсинер! Буз

-4

Antiradikal3

2021-11-10 09:07:01

Ela93, Кошоматчылардын жомогу, бир жыл аз убакыт деген. Жапаров озу бир жыл сураган элден. Бир жылда коп нерсе озгорот деп. Бир жылда болгону куда-соок, окул балдар кызматка келди. Болгону ошол. Баягы эле кымбатчылык, жумушсуздук, маяналардын аздыгы, кендирди кескен жокчулук...

Жапаров аван Глазгого барып эмнени кыйраттты,айтчы?! Декламациясын окуду, суротко тушту, болгону ошол. Дуйно лидерлери арты менен кулгон чыгаар, итке минген кедей олконун лидери самолет жалдап келди десе...

Ela93

2021-11-10 20:57:10

Antiradikal3,ойлонуп суйлочу жон койсо жугундукор тиги,бул деп элдин баарын кемсинтесин. Биз сага эч жамандык кылбадык Садырга, Камчыга шыбайсын жакшы коментарий жазгандын баарын.. Сендейлер онуктурбойт озун да озгону да!

-1

assanov97

2021-11-09 18:26:55

Доскулду жейлиби

-1

Комментарий калтыруу үчүн өз ысымыңыз менен кириңиз же каттоодон өтүңүз.