Жалал-Абадда жаңы төрөлгөн наристени сатууга шектелген аял колго түшүрүлдү (видео)

Жалал-Абадда наристени сатууга шектелген аял кармалды. Бул туурасында Ички иштер министрлигинин маалымат кызматынан кабарлашты.

Белгилүү болгондой, Жалал-Абад шаарынын тургуну документтерди жасалмалоо менен алектенип жүргөндүгү тууралуу маалымат облустук ички иштер башкармалыгына келип түшкөн. Аталган факты Жазык кодексинин 359-беренеси ("документтердин жасалмасы") менен Кылмыштардын жана жоруктардын бирдиктүү реестрине катталып, сотко чейинки өндүрүш иши башталган.

"Ыкчам издөө аракеттеринин жыйынтыгында Ж. аттуу аял жаңы төрөлгөн наристени сатууга мыйзамсыз документтерди даярдап жаткандыгы аныкталган. Бул кылмышты жасоо аракети даярдалып жаткандыгы тууралуу маалыматтын негизинде атайын тергөө амалдары уюштурулуп, ИИМдин кызматкерлери сатып алуучу катары чыгып, 40 миң сом өлчөмүндө акча каражатын алып жаткан жерден шектүүнү кармашты.

Ал эми ымыркай Жалал-Абад облусунун балдарды коргоо бөлүмүнүн адистерине өткөрүп берилди. Аталган факты Жазык кодексинин 171-беренесине ("адам сатуу") квалификациясы алмаштырылды. Азыркы учурда сотко чейинки өндүрүш иши уланууда", - дешти министрликтин маалымат кызматынан.

Автор: Бактыгүл Момбекова
Фото: ИИМдин маалымат кызматы

17:02 10-11-2021

Жазылуу

РУБРИКАДАГЫ СОҢКУ КАБАРЛАР

20:31 2025-05-24 | Кылмыштар, кырсыктар

Бишкекте 1-топтогу майып кызды 20 жаштагы жигит зордуктап кеткендиги айтылды 432 0

19:20 2025-05-24 | Маданият, шоу-бизнес

"Бактылуу жар болоюн деп камындым". Ырчы Алтынай тойго кызуу даярдык көрүүдө (видео) 1207 0

18:31 2025-05-24 | Маданият, шоу-бизнес

"Сахнада 20 жыл". Ырчы Мирбек Атабековдун жыйынтыктоочу концерти аншлаг менен өттү (видео) 761 0

18:00 2025-05-24 | Маданият, шоу-бизнес

Блогер Арген Асановдун апасы казак кызына ак жоолук салды (видео) 2153 0

17:04 2025-05-24 | Саясат

Баткен шаарындагы кирпич заводдун жери жеке менчиктен мамлекеттин балансына өттү 574 0

16:36 2025-05-24 | Коом жана турмуш

Улакчы Манас Ниязовго кытайлык кыз сезимин билдирди (видео) 2831 1

Архив

Комментарийлер (1)

mira28

2021-11-11 02:19:35

Уяты жок катын экен.Бактылуу бол наристе,келечекте камкордуу уй булого туш боло кор.Аянычтуу жагдай менен башталыптыр тагдыры.5 минуттук жыргалга баткан эки буттуу айбандарга мин наалат.

Комментарий калтыруу үчүн өз ысымыңыз менен кириңиз же каттоодон өтүңүз.