Бишкекте 17 жаштагы өспүрүмдү сүзүп качып кеткен айдоочу кармалды

Бишкекте милициянын кайгуул кызматынын издөө бөлүмү жөө жүргүнчүнү сүзүп, окуя болгон жерден кетип калган айдоочуну кармады. Бул тууралуу аталган кызматтан билдиришти.

Билдирүүгө ылайык, 4-ноябрь күнү болжол менен саат 08:30 чамасында белгисиз айдоочу унаасы менен Чүй жана Тыныстанов көчөлөрүнүн кесилишинен жөө жүргүнчүнү сүзүп, окуя болгон жерден качып кеткен.
Натыйжада жол кырсыгынын кесепетинен 2004-жылы туулган Р.Ж. аттуу өспүрүм жабыркап, ооруканага жеткирилген.

Бул факты боюнча милициянын кайгуул кызматынын издөө бөлүмү ыкчам издөө иш-чараларын жүргүзүп, натыйжада Kia Sportage үлгүсүндөгү унаанын 1967-жылы туулган С.Д. аттуу айдоочусун кармап, Бишкек ШИИББинин тергөө кызматына жеткиришкен.

Автор: Айсалкын Качкынбекова