Бишкекте Тажикстандын жаранын тоноп кеткендер кармалды

Бишкек шаардык ички иштер башкы башкармалыгы 13-ноябрда билдиргендей, 36 жаштагы А.Аирулло аттуу Тажикстандын жараны арыз менен милицияга кайрылган. Анда шаардын Бөкөнбаев-Абдрахманов көчөлөрүнүн кесилишинде 40-45 жаштардагы эки адам күч колдонуу менен 2000 евро жана 700 долларын тартып алганын айткан.

Биринчи Май райондук ИИБинин иликтөө бөлүмүнүн кызматкерлери тарабынан аталган факты боюнча эки адам кармалды. Алар Арча-Бешик конушунун 43 жаштагы жашоочусу С.Данияр жана Ала-Тоо конушунун жашоочусу 44 жаштагы Ч.Асанбек. Иликтөөлөр жүрүп жатат.

Автор: Айпери Ганыжан кызы