Балыкчы шаарында көп кабаттуу үйдүн батири күйүп, эркек киши түтүнгө ууланды

Ысык-Көл облусунун Балыкчы шаарында көп кабаттуу үйдүн батири күйүп, эркек киши түтүнгө ууланды. Бул тууралуу ӨКМнын басма сөз кызматынан билдиришти.

Маалыматка ылайык, бүгүн саат 07:10 чамасында Балыкчы шаарынын Гагарин көчөсүндө көп кабаттуу үйдүн бир батири күйүп жатат деген маалымат келип түшкөн.

Жерине Балыкчы шаарынын №19 өрткө каршы куткаруу бөлүмүнөн бир бөлүкчө тартылып, саат 07:30да чектөөгө алып, 07:50дө толугу менен өчүрүлгөн.

Өрттүн кесепетинен Ш.Т. аттуу 1947-жылы туулган эркек киши түтүнгө ууланып, куткаруучулар жабыркаган жаранды чыгарып, "Тез жардам" кызматына өткөрүп беришти.

Жалпысынан батирдин ичиндеги үй буюмдары күйгөн. Өрттүн келип чыгуу себеби такталууда.

Автор: Айсалкын Качкынбекова