Жалал-Абад облусунда бир апта аралыгында 33 мас айдоочу кармалды

Жалал-Абад облусунда бир апта аралыгында 33 мас айдоочу кармалды. Бул тууралуу аталган облустун жол кыймылынын коопсуздугун камсыздоо бөлүмүнөн билдиришти.

Маалыматка ылайык, 14-ноябрдан 20-ноябрга чейинки аралыкта жалпы 1242 жол эрежелерин бузган айдоочулар аныкталган.

Анын ичинен 33 айдоочу унааларын мас абалында, 345 айдоочу катуу ылдамдыкта, 4 айдоочу алдыңкы терезелерин караңгылатып алгандыгы үчүн жана 24 айдоочу жанында тиешелүү документтери жок үчүн калгандары башка жол эрежелерин бузгандыгы үчүн 836 айдоочуга протоколдор түзүлгөн. Жалпы 42 унаа атайын айып короого коюлган.

Жалал-Абад облустук жол кыймылынын бөлүмү жалпы жол кыймылынын катышуучуларына жолдо жүрүүдө, жол эрежелерин так сактап жүрүүнү эскертишет.

Автор: Айсалкын Качкынбекова