Республикада 10 модулдук вирусологиялык лабораториялар курулуп жатат

Республика боюнча 10 модулдук вирусологиялык лабораториялар курулуп жатат. Бул тууралуу Саламаттыкты сактоо министрлигинен билдиришти.

Министрликтен маалымдашкандай, бул лабораториялык диагностиканы жакшыртууга жана оптималдаштырууга, калктын COVID-19 инфекциясынын диагностикалык тесттерине жеткиликтүүлүгүн жакшыртууга чоң салым кошот.

"Ысык-Ата, Сокулук, Жайыл райондоруна салынып жаткан лабораториялар 60 пайызы даяр. Талас, Ноокат, Ноокен жана Каракол шаарындагылар 20 пайызы бүтүп калды. Ал эми Жалал-Абад, Баткен шаарларына жаңыдан пайдубалы түптөлүп, 10 пайызга иштер аткарылды", - деп жазылат маалыматта.

Аталган вирусологиялык лабораториялар Ислам өнүктүрүү банкынын долбоорунун алкагында курулуп жатат.