Бишкекте асманга ок чыгарган ыкчам аракет көрүү тобунун кызматкери тапанчасын өз эрки менен тапшырып берди

Бишкекте асманга ок чыгарган жаран борбордогу менчик ыкчам аракет көрүү тобунун (ГБР) кызматкери. Ал өз эрки менен МР-371 КВ үлгүсүндөгү тапанчасын тапшырып берген. Бул тууралуу Ленин РИИБинин басма сөз кызматынан билдиришти.

"Учурда курал-жаракка тийиштүү экспертиза дайындалды. Кызматкерге "калктуу конуштарда ок атуучу куралды колдонуу" беренеси менен сотко чейинки өндүрүш иши уланууда. Учурда тергөө иштери жүрүп жатат", - деп жазылат маалыматта.

23-ноябрда интернетке ыкчам аракет көрүү тобунун (ГБР) кызматкери асманга ок чыгарды деген видео тараган.

Автор: Айсалкын Качкынбекова