"Неберелеримди коркутуш үчүн сүйлөп койгом". Сузакта WhatsApp аркылуу жалган маалымат тараткан аял аныкталды

WhatsApp мессенжери аркылуу Сузак районунун аймагында массалык түрдө балдар уурдалып жатат деген үн жаздыруу тараган. Жалал-Абад облустук ички иштер башкармалыгы аудио боюнча териштирүү жүргүзгөн.

Мекеменин маалымат кызматынан белгилешкендей, билдирүүдө белгисиз аял жалаң 3-4-5-класстын окуучулары уурдалып жатканын айтат. "Жаңылык! Биз жакта балдар уурдалып жатат. Сузакта кечинде дагы 2 бала уурдалыптыр. Ошол менен бешөө, бешөөнүн ичинен төртөө дайынсыз. Бирөө Кызыл-Байрак, Благовещенканын адырынын түбүнөн ичин жарып, ички органдарын алып кетти. Жүрөк, бөйрөк ушуларын алып кетиптир. Ошол жерден өлүгү табылыптыр. Калгандарын таппай жатышат. Ошко чейин издеп барышты. 2 аял уурдап жатыптыр. Сүрөтү менен чыкты. Мен сабак берген класстан 1 окуучу жок. Биринчи ошол жоголду. Анан калгандары жоголду. "Айбек" мектебинен 1 баланы көтөрүп качып бараткан жеринен элдер көрүп калып кыйкырып, машинасына жетейин дегенде таштап коюп качып кетип калыптыр. Жалаң 3-4-5-класстын балдары уурдалып жатат", - деп айтылган видеодо.

Бул боюнча облустук ички иштер башкармалыгынын жана Сузак РИИБинин кызматкерлери тарабынан жүргүзүлгөн ыкчам-иликтөө иштеринин натыйжасында жогорудагы аудио билдирүүнү мессенжердеги тайпаларга тараткан Сузак районунун 67 жаштагы тургуну экени аныкталды. Ал бул үн жаздырууну өзүнүн уулуна жөнөткөндүгүн, ал небересине жөнөтүп, небереси башка тайпаларга бөлүшүп жибергендигин, жасаган ишине өкүнүп жаткандыгын айтып, жалпы коомчулуктан кечирим сурады.

Бул факты текшерүүнү талап кылган материал болуп катталып, учурда алдын ала текшерүү иштери жүргүзүлүп жатат.

Автор: Бактыгүл Момбекова

23:00 01-12-2021

Жазылуу

РУБРИКАДАГЫ СОҢКУ КАБАРЛАР

15:33 2025-05-24 | Кылмыштар, кырсыктар

"Кой-кой дегенде койгон жакшы". Ошто жаратылышка бара жаткан окуучулар артка кайтарылды 234 0

14:46 2025-05-24 | Коом жана турмуш

Нарында кечээ кайталанган шамал үйлөрдүн чатырларын учурду 212 0

14:25 2025-05-24 | Кылмыштар, кырсыктар

Кара-Сууда күчтүү таасир этүүчү дарыларды сатып жүргөн 3 эркек, 2 аял кармалды (видео) 533 0

14:02 2025-05-24 | Түркүн дүйнө

Париж соту Ким Кардашьянды тоногон кылмыштуу топтун мүчөлөрүнө өкүм чыгарды 641 0

13:46 2025-05-24 | Түркүн дүйнө

Гамбургда аялдын бычак менен кол салуусунан улам 17 киши жарадар болду 409 0

13:11 2025-05-24 | Түркүн дүйнө

Белгилүү түрк актёру Халит Эргенч шарттуу түрдө 1 жыл 10 айга эркинен ажыратылды 1544 0

Архив

Комментарийлер (7)

asefsa

2021-12-01 15:30:41

Чоон эле аял экенго, ошентип дурботуштун кереги бар беле

ma2as

2021-12-01 16:22:50

1 айга камап койгула , башкаларга сабак болсун . Чон эле аял ошентип атса , жаштарга даба жок .

Kolyaa

2021-12-01 16:24:46

Жалган маалыматты тараткан кылмыш болуп саналат.

jaskaaa

2021-12-01 18:09:04

Бирок. Сумая жана башка жоголгон балдар каякка кеттип атат. Бул эже тамашалаптыр. Бирок жоголгон балдар каяка кетип атат.

Antiradikal10

2021-12-01 19:28:12

Камаш керек 3 жылга. Бир жыл да эмес.

Bak.taalai

2021-12-01 20:53:10

Алжыган кемпирлер сабак бергенди не кылат дөөрүп отуруп. Булар балдардын психологиясын бузат жаштарга орун берип кет да үйүңө апыртмалуу жомогуңду үйүңдүн ичинен небереңе айтасыңбы чөбөрөңө айтасыңбы кең кесири айтып кысып эле отур да. Мугалим имиш болуп алганын

Margana93

2021-12-02 10:14:16

Дагы Бир бала жонотуптур го ушундай голос Аксыда болду деп

Комментарий калтыруу үчүн өз ысымыңыз менен кириңиз же каттоодон өтүңүз.