"Сайкал" аталышындагы киберпанк стилиндеги алгачкы кыргыз мультсериалы элге тартууланат

2-декабрда "Тентек" студиясынын жаратуучулары "кыргыздын биринчи анимациялык киберпанк" деп атаган кыска метраждуу анимациялык сериалынын бет ачары болот. Бул тууралуу жаратуучулар Инстаграм баракчасына жарыялашкан.

"Сайкал" - келечек тууралуу тартылган анимациялык сериал. Ал “Маңкурт” легендасынын прототиби боюнча Кыргыз өлкөсүнүн 2021-жылдагы актуалдуу маселелерин жана көйгөйлөрүн камтыган. Сериал биздин өлкөдө кеңири жайыла элек кадрдык анимациялык техниканын жардамы менен тартылган. Долбоор Европа Биримдиги тарабынан каржыланат", - деп жазылат маалыматта.

Аталган мультфильмдин бет ачары "Tentek" YouTube каналында болот.

Автор: Алина Айдарбекова