12 баш кой, 1 торпок күйдү. Жалал-Абадда сарайдан өрт чыгып бүгүн эртең менен өчүрүлдү

Жалал-Абад облусунун Сузак районуна караштуу Кара-Алма айылында мал сарайдан өрт чыгып, мал жандык күйдү. Өзгөчө кырдаалдар министрлигинен билдиришкендей, өрт тууралуу маалымат 1-декабрда саат 23:50дө түшкөн.

"Жерине бир өрт өчүрүүчү бөлүмү тартылып, саат 01:19да өрт курчоого алынып, бүгүн, 2-декабрда саат 08:01де толугу менен өчүрүлдү. Жалпысынан сарайдын 192 чарчы метр аянты күйдү.

Келтирилген чыгымдар 12 баш кой, 1 баш торпок, 1000 түк чөп жана 600 боо жүгөрү бакалы күйдү. Өрттүн чыгуу себептери учурда такталууда", - деп билдиришти маалымат кызматынан.

Автор: Бактыгүл Момбекова
Фото: ӨКМнын маалымат кызматы