Дайынсыз болуп, кийин жансыз денеси табылган Сумаянын жакындарынан 39 жаштагы жаран кечирим сурады

Жалал-Абад облусунун Сузак районунда дайынсыз болуп, кийин жансыз денеси табылган Сумая Хосилжанованы мисал кылуу менен эскертүү берип, этият болууга чакырган үн жазуу WhatsApp аркылуу тараган.

Бул аудио социалдык тармактарда башка тайпаларга да тарап, коомчулукту дүрбөлөңгө түшүргөн. Жалал-Абад ОИИБинин Экстремизмге жана мыйзамсыз миграцияга каршы аракеттенүү кызматы жана Аксы РИИБи тарабынан жүргүзүлгөн ыкчам-иликтөө иштеринин натыйжасында аудиону WhatsApp тайпасына тараткан адам аныкталды. Ал Аксы районунун тургуну 1982-жылы туулган К.Ш. экени белгилүү болду.

"Ал айыл элине балдарга көз салуу менен этият болууга чакырып, бирок Сумая тууралуу толук маалымат билбей туруп экспертиза чыкты деп тайпаларга бөлүшүп жибергендигин, бул туурасында өкүнүп жаткандыгын айтып, жалпы коомчулуктан жана Сумаянын жакындарынан кечирим сурады.

Бул факты текшерүүнү талап кылган материал болуп катталып, учурда алдын ала текшерүү иштери жүргүзүлүп жатат", - деп белгилешти мекемеден.

Маалымат үчүн:

Сумая Хосилжанова 18-ноябрь күнү саат 12:40 чамасында мектепке кеткен бойдон дайынсыз болуп жаткан. Аны издөөгө 100дөн ашуун ыктыярчы тартылган.

Жалал-Абад облусунун Сузак районунда дайынсыз болуп, 27-ноябрда жансыз денеси табылган Сумая Хосилжанованын өлүмү боюнча "киши өлтүрүү" беренеси менен иш козголду.

Сумаяны акыркы сапарга узатуу зыйнатына 10 миңден ашуун адам катышты. Анын сөөгү Сузак айылынын Кайрагач мазарына жерге берилген.

Автор: Бактыгүл Момбекова

11:33 02-12-2021

Жазылуу

РУБРИКАДАГЫ СОҢКУ КАБАРЛАР

18:20 2025-07-19 | Түркүн дүйнө

Түштүк Кореянын мурдагы президенти камакта калтырылды 819 0

17:28 2025-07-19 | Коом жана турмуш

Ысык-Ата районунда масштабдуу ишембилик өткөрүлдү (фото) 441 0

16:58 2025-07-19 | Түркүн дүйнө

Германияда фейерверк жарылып, 19 адам жаракат алды 433 0

16:24 2025-07-19 | Түркүн дүйнө

Трамп Эпштейнге байланыштуу макала жазган басылманы сотко берди 892 0

15:56 2025-07-19 | Коом жана турмуш

Орусияда ата-энесинин камкордугусуз калган 4 бала өлкөгө кайтарылды 1182 1

15:22 2025-07-19 | Коом жана турмуш

Бишкекте көп кабаттуу үйдөн өрт чыгып, 50 адам эвакуацияланды (видео) 869 0

Архив

Комментарийлер (8)

ma2as

2021-12-02 12:25:11

Москвада иштейм ,даже бизге ушул сообщениелер 2-3 группадан келди . Ушуга окшоп дурболон салган адамдарды , тарбия катары жазалабаса кайталана берет . Бетин жаппай ачыкка чыгаргыла , мээси жайында адам эч качан антип айтпайт .

Gulina00

2021-12-02 13:16:28

Айтып жатканда мас беленер тооба кылдым камап койсо экен 15суткага.

Dembele84

2021-12-02 14:14:00

Идиоты

Sanjura

2021-12-02 15:01:14

Эмне пайда табат болду экен ушинтип жалган таратып.Түшүнбөйсүң киши

JaneEr

2021-12-02 15:42:59

Сенин да кызын жоголуп кетсе анан билесин ошондо,сана оюнчукпу бироонун баласынын кайгысы?

Birimdik5555

2021-12-02 18:09:36

Алыста жургондор угуп алып аябай кыжаалат болот экен, штраф толосун бул бала крупный суммада анан оозуна ээ болуп журот. Дагы бир катындын суйлогону бар мугалиммин деп ошону да тапкыла

sanajet

2021-12-04 04:14:25

Birimdik5555,аны да кечирим суратышты кармап алып, камера алдында. Жалган маалымат экен ал аялдын суйлогону дагы.

Jaysan030

2021-12-02 18:10:35

Улам ар кандай версясын айтпай экспертизанын жообун берсенер боло!? Эмне болду? Ким кылды? Деген суроого эл жооб уккусу келип атат.

Комментарий калтыруу үчүн өз ысымыңыз менен кириңиз же каттоодон өтүңүз.