Садыр Жапаров Ден соолугунун мүмкүнчүлүгү чектелгендердин эл аралык күнүнө карата кайрылуу жасады

Бүгүн, 3-декабрда президент Садыр Жапаров Ден соолугунун мүмкүнчүлүгү чектелгендердин эл аралык күнүнө карата кайрылуу жолдоду. Бул тууралуу президенттин администрациясынын басма сөз кызматынан билдиришти.

"3-декабрь - дүйнө жүзү менен бирге Кыргыз Республикасында ден соолугунун мүмкүнчүлүгү чектелген адамдарга коомдун толук кандуу мүчөлөрү катары сый-урмат көрсөтүү күнү катары белгиленип келет. Алардын өзгөчө муктаждыктарына жана көйгөйлөрүнө бүгүн эле эмес, ар дайым көңүл буруу максатында иш-аракеттер көрүлүүдө.

БУУнун ден соолугунун мүмкүнчүлүгү чектелгендердин укуктары жөнүндө конвенциясын мамлекетибиз ратификациялагандан бери биз андай жарандарга инфратүзүмдүн жеткиликтүүлүгүн, мыйзам астында билимге, эмгекке жана иш менен камсыз болууга тең укуктуулугун жүзөгө ашыруу боюнча милдеттенмелерди өзүбүзгө алдык.

Ден соолугунун мүмкүнчүлүгү чектелген адамдарды иш менен камсыз кылуу алардын жашоо-турмушуна каражат табуусуна гана өбөлгө түзбөстөн, коомго керек экендигин сезүүсүнө да шарт-жагдай түзөт. Алар иштеген учурда башка кишилер менен баарлашып көңүлү сергийт, дос-тамыр күтөт. Ден соолугунун мүмкүнчүлүгү чектелген жарандарга жумуш орундары эле эмес, театр, музей жана башка эс алуу, оюн-зоок жайлары жеткиликтүү болууга тийиш.

Элибиз эзелтеден кайрымдуу. Калк арасында ден соолугунун мүмкүнчүлүгү чектелген адамдарга боорукер, мээримдүү мамиле жасап, аларга каралашкан инсандарыбыз көп. Ага жараша мамлекет менен коом ден соолугунун мүмкүнчүлүгү чектелгендерди ар тараптан колдоо саясатын мындан ары да арттырат. Андай жарандардын жашоосун жакшыртуу жана укуктарын коргоого байланыштуу маселелер ар дайым аткаруу бийлигинин көңүл чордонунда болот.

Баарыңыздардын алдыга койгон ой-максаттарыңырга жетишиңерге тилектешмин. Сиздерге жашоодо бекем ишеним, майтарылгыс эрк, кайрат, оптимизм каалайм. Эң негизгиси жакындарыңыз менен катар эле мамлекетиңиздин да колдоосу бар экенине дайыма ишениңиздер", - деп жазылат кайрылууда.

Автор: Жылдыз Джускембаева

10:03 03-12-2021

Жазылуу

РУБРИКАДАГЫ СОҢКУ КАБАРЛАР

11:22 2025-06-08 | Түркүн дүйнө

Алты жолу ок чыгарган... Колумбияда сенаторго кол салуу болду (видео) 181 0

11:02 2025-06-08 | Бизнес-Инфо

"Компаньон Банкы" менен акча которуп, 72 белектин бирин утуп алыңыз! 107 0

11:01 2025-06-08 | Түркүн дүйнө

Трамп Илон Маск менен болгон достугу бүткөнүн айтты 382 0

10:12 2025-06-08 | Спорт

Кыргыз кызы Дүйнө кубогунда күмүш медаль тагынды 261 0

10:02 2025-06-08 | Түркүн дүйнө

Индияда тик учак унаа жолуна конууга аргасыз болду (видео) 535 0

09:49 2025-06-08 | Түркүн дүйнө

Ак үйдө мушташ болгон... Илон Масктын көзүнүн көгөрүшү эмнеден улам болгону айтылды 1618 0

Архив

Комментарийлер (1)

Eli.91

2021-12-03 19:51:45

Айткан создорунуз чын болсо эмне себептен кайдыгер карайсынар?Мен супер кж кайрылдым жардамга муктажмын деп.Мага бир адам жооб кылбады.Эгерде ушул постумду озунуз окуп калсаныз албетте мага жооб бересиз деген ойдомун.Озунор менен байланышкым келет.Мумкун болсо биздеги проблемаларды угуп коюнуз.Мага жардам абадай кажет болуп турат.

Комментарий калтыруу үчүн өз ысымыңыз менен кириңиз же каттоодон өтүңүз.