"Үч кой союп келдик" деп айтышкан. Токмокто 3 адамды мыкаачылык менен өлтүргөн 2 жаранга сот өкүм чыгарды

19-ноябрда Токмок шаардык соту 3 адамды мыкаачылык менен өлтүргөн эки жаранга өкүм чыгарды. Бул тууралуу Чүй облустук сотунун басма сөз кызматынан SUPER.KG порталына билдиришти.

Маалыматка ылайык, Токмок шаардык сотунун чечими менен 39 жаштагы Э.Т., 32 жаштагы Д.А. жана 31 жаштагы М.Б. аттуу жарандарды өлтүрүүгө шектелген 36 жаштагы К.Т. жана 31 жаштагы С.М. аттуу жарандар өмүрүнүн аягына чейин эркинен ажыратылышты.

Окуянын чоо-жайы:

9-январь күнү Бишкек шаарында иштеген Д.А. аттуу жаран Токмоктогу эч ким жашабаган үйүнө барган. Барса үйүндө кошунасы Болот (аты өзгөртүлдү) уруксатсыз жашап жаткан болот. Д.А. Болот менен араздашып кетет. Анан үйгө келип уктап жатканда, Болот кирип телефонун алып чыгып кетет. Ал телефонун таппай, кошуналардан үйгө ким киргенин сурайт. Алар Болотту көрүшкөнүн айтышат.

Ошол күнү, 9-январда саат кечки тогуздар чамасында Д.А.нын үйүнө Болот кеминдик К.Т жана С.М. аттуу эки киши менен кирип келет. Алар белгилүү бир себептер менен Э.Т.нын үйүнө барышат. Ал үйгө баш-аягы 10 киши топтолуп арак ичишкен соң жарымы үйлөрүнө кеткен. Ал эми үйдө К.Т., С.М. жана андан сырткары үч адам калат. Ал жерден ич ара чатак чыгып, биринчи Д.А. андан соң М.Б, анан Э.Т. аёосуз токмоктолгон. Э.Т.нын баш сөөгү сынып ошол жерден жан берет.

Д.А.нын апасынын айтымына караганда, уулун сырттан кетмен, күрөктүн сабын чыгарып келип сабашкан. Анын каракуш сөөгү сынып, сөөк ачылып калган мээсине сайылып, оң көзү чыгып кеткен. Бети айнек менен тилинип, денесине төрт жолу бычак сайылган. Ал ооруканага жетпей жан берген.

Э.Т.нын эжесинин айтымында, кошунасы Э.Т.дан кабар алуу үчүн келип, ар кайсы жерде адамдар кан жалап жатканын көрүп милиция менен “Тез жардам” чакырган.

Милиция кызматкерлери үйдө Болоттун болгонун аныкташкан. Аны суракка алганда, ал кеминдик эки эркек тууралуу айтат. Ал экөө өз үйлөрүнөн кармалышкан. Экөө үйлөрүнө кийимдери кан боюнча барып “үч кой союп келдик” деп айтышкан.

Автор: Жолдубек Качкынбаев

12:55 04-12-2021

Жазылуу

РУБРИКАДАГЫ СОҢКУ КАБАРЛАР

23:44 2025-05-23 | Түркүн дүйнө

Кытайда дүйнөдөгү эң бийик көпүрөнүн курулушу аяктоо алдында турат (видео) 911 0

22:51 2025-05-23 | Спорт

Караколдогу реконструкциядан өткөн стадионду президент "Ынтымак Арена" деп атады (видео) 571 0

22:22 2025-05-23 | Саясат

Ысык-Көлдүн 22 айылы ичүүчү таза суу менен камсыз болот. Президент облуста болду 566 0

22:03 2025-05-23 | Коом жана турмуш

Караколдогу стадиондун ачылышына өзгөчө коноктор барды (видео) 1040 0

21:05 2025-05-23 | Маданият, шоу-бизнес

Белгилүү казак ырчысы Димаш Кудайберген үйлөндүбү? (видео) 1310 0

20:34 2025-05-23 | Коом жана турмуш

Таласта сууга агып бараткан 3 кичинекей кызды милиция кызматкерлери куткарып калышты (видео) 1238 0

Архив

Комментарийлер (9)

XATSAN125

2021-12-04 01:38:38

Мындай акмактарды тарс атып салганы болбойт.Адамдын оюна келбеген кылыктар менен 15 жыл кыйнап акыры эки бутун кыркып туруп уйуно жеткирип салыш керек мегиле деп

+20

Bishkek-Kg

2021-12-04 01:43:15

Ичкиле дагы, ичимдиктин натыйжасы ушул эле!!!

+19

Sakubek

2021-12-04 11:31:22

Токмоктуктар өзү криминал да

nazira...

2021-12-04 14:39:05

Өлтүргөндөрдүн сүрөтүн көрсөк болмок, өлгөн эмес.

Isken90

2021-12-04 16:35:38

Мамлекет омур бою багабы эми буларды. Оору жугузуп жок кылыш керек

Spb

2021-12-05 01:34:14

ЯА.Б.И .М.М.ГЕ Ю УШУГА ОКШОГОН АТТАРЫ ЗБ КЫЛДЫ ДАГЫ ОЗГОРТУЛДУ ДЕП ЖАЗЫП КОЙУПТУР ОЗГОРБОГОНДО КАНДАЙ БОЛОТ ЕЛЕ БИЛБЕДИМ

Комментарий калтыруу үчүн өз ысымыңыз менен кириңиз же каттоодон өтүңүз.