Кегети капчыгайында каза болгон 70 жаштагы кореялык туристтин өлүмү боюнча тергөө иштери жүрүүдө

Кеминдеги капчыгайда каза болгон түштүк кореялык туристтин өлүмүнүн себебин аныктоо үчүн тергөө иштери жүрүүдө. Бул тууралуу Чүй ОИИББинен билдиришти.

Маалыматка ылайык, 4-декабрь күнү Чүй РИИБинин нөөмөт бөлүмүнө Кегети коктусундагы Көл-Төр көлүнүн жанында Кореянын жараны каза болгондугу боюнча кабар келип түшкөн.

Жерине Чүй РИИБинин ыкчам тергөө тобуу барган маалда төмөнкүлөр билинген:

Бишкек шаарында жайгашкан туристик клубдардын бири Кегети коктусуна маршрут менен келишкен. Ал жөө турда башка адамдар да бар болгон. Анын арасында Корея жараны Көл-Төр көлүнө жакындап калганда эч себепсиз жерге жатып калган, ошол жерде адамдар келип биринчи медициналык жардам берген учурда каза болгону билинген.

Окуя болгон жерге ӨКМнын жана "Тез жардамдын" кызматкерлери барган. Корея жараны 1951-жылы туулган Л.Ж. экени аныкталган.

Азыркы учурда өлүмдүн себебин аныктоо үчүн соттук-медициналык экспертиза дайындалган. Тергөө иштери уланууда.

Автор: Айжанар Рыспек кызы