Бишкекте Эл артисти Эстебес Турсуналиевдин 90 жылдыгы белгиленди

Бишкекте СССРдин Эл артисти Эстебес Турсуналиевдин 90 жылдыгы белгиленди. Бул тууралуу Маданият, маалымат, спорт жана жаштар саясаты министрлигинин басма сөз кызматынан маалымдашты.

Маалыматка ылайык, Эстебес Турсуналиевдин 90 жылдыгы 4-декабрда Токтогул Сатылганов атындагы кыргыз улуттук филармониясында өттү.

Мааракеге мамлекеттик катчысы Сүйүнбек Касмамбетов, маданият, маалымат, спорт жана жаштар саясаты министри Азамат Жаманкулов, коомдук-маданий ишмерлер жана ырчынын күйөрмандары катышты.

Салтанат Эстебес Турсуналиевдин өмүрү жана чыгармачылык жолуна арналган даректүү тасма менен башталып, өнөр адамдарынын коштоосунда өттү.

Автор: Жолдубек Качкынбаев
Фото: Маданият, маалымат, спорт жана жаштар саясаты министрлиги