"Жаңы депутаттарга кабинеттер комиссиянын жыйынтыгы менен бөлүштүрүп берилет" дейт парламенттин басма сөз кызматынын башчысы

Буга чейин Жогорку Соттун төрайымынын кеңешчиси, парламенттин мурдагы басма сөз катчысы Ибрагим Нуракун уулу социалдык тармактагы баракчасына 7-чакырылыштын депутаттары келбей жатып эле кабинет талашып жатышкандыктарын журналист билдиргенин айтып, келечектеги депутаттарга кеңештерин жазган.

Жогорку Кеңештин басма сөз кызматынын башчысы Индира Куралбекова жаңы депутаттарга кабинеттер комиссиянын чечими менен бөлүштүрүлүп берилерин социалдык тармактагы баракчасына жазды. "Урматтуу кесиптештер, жаңы келе турган эл өкүлдөрү иштей турган кабинеттер, эрежеге ылайык атайын жаңы депутаттардын курамынан түзүлгөн комиссиянын жыйынтыгы менен бөлүштүрүп берилет", - деп жазган Куралбекова.

Автор: Айзада Кыдырмышева