Ош шаарынын туристтик брендин иштеп чыгуу боюнча жарыяланган сынактын жыйынтыгы чыкты

Ош шаарынын мэри Алмаз Мамбетовдун буйругунун негизинде Ош шаарынын туристтик брендин иштеп чыгуу боюнча жарыяланган сынактын жыйынтыгы чыкты. Бул тууралуу шаардык мэриянын басма сөз кызматынан билдиришти.

Атайын түзүлгөн жумушчу топтун мүчөлөрү конкурска катышкан дизайнерлердин сунуштамаларын карап чыгышып, көпчүлүк добуш менен жеңүүчүнү аныкташты. Конкурска жетимиштен ашуун дизайнерлер катышты.

Жакынкы күндөрү Ош шаарынын мэри Алмаз Мамбетов шаардын туристтик брендин коомчулукка презентациялайт. Анын алкагында калаа башчысы Ош шаарында туризмди өнүктүрүү программасы, логотип, бирдиктүү фирмалык стили менен тааныштырат.

Автор: Айсалкын Качкынбекова