Баңгизаттарды мыйзамсыз жүгүртүүгө каршы күрөшүү кызматы жаңы кодекстердин күчүнө киргендигин эске салат

Баңгизаттарды мыйзамсыз жүгүртүүгө каршы күрөшүү кызматы жаңы кодекстердин күчүнө киргендигин эске салат. Бул тууралуу ИИМдин басма сөз кызматынан билдиришти.

2021-жылдын 1-декабрынан тартып Кыргыз Республикасында жаңы кабыл алынган кодекстер күчүнө киргендигин эскертет. 2021-жылдын 28-октябрындагы №128 укук бузуулар жөнүндө кодексинин 101-беренесинде Кыргыз Республикасынын аймагында жоопкерчилик каралган, ага ылайык,

- 1. Баңгизат каражаттарын, психотроптук заттарды жана өзгөчө кооптуу психоактивдүү заттарды колдонууга чакыруу жана аларды жарнамалоо - жеке жактарга 175 эсептик көрсөткүч, юридикалык жактарга 550 эсептик көрсөткүч өлчөмүндө айып пул салууга алып келет.

2. Ошол эле аракеттер: 1) билим берүү мекемелеринде, ошондой эле адамдар көп чогулган объекттерде жасалса;

2) жалпыга маалымдоо каражаттарын же электрондук маалымат ресурстарын пайдалануу менен жасалса, – жеке жактарга 200 эсептик көрсөткүч, юридикалык жактарга 650 эсептик көрсөткүч өлчөмүндө айып пул салууга алып келет.

Эскертүү: 1 эсептик көрсөткүч =100 сом. Бул ченем жаңы болуп эсептелет, эгер сиз мындай жарнама жасоого күбө болсоңуз, тиешелүү чараларды көрүү үчүн райондук ички иштер башкармалыктарына кайрылыңыздар.

Автор: Айсалкын Качкынбекова