Нарында 2 жарым саат аралыгында бир эле көчөдө эки өрт кырсыгы катталды

Нарында 2 жарым саат аралыгында кошуна үйлөрдүн короолорунан өрт чыкты. Өзгөчө кырдаалдар министрлигинен белгилешкендей, өрт 7-декабрда Кочкор районунун Эпкин айылынын Сүйүндүк көчөсүндө катталды.

Белгилүү болгондой, алгач саат 17:09да Эпкин айылындагы үйдүн ачык аянтында жыйылган чөп күйүп жатканы кабарланган. Өрт саат 18:30да чектөөгө алынып, 23:45те толук өчүрүлгөн. Өрттүн кесепетинен 600 түк саман күйдү.

Ал эми саат 19:43тө ушул эле Эпкин айылынын Сүйүндүк көчөсүндө дагы бир өрт кырсыгы катталгандыгы тууралуу маалымат келип түштү. Анда бастырмада жыйылган самандан өрт чыгып, 2 тонна саман күйүп кетти. Өрт өчүрүүчүлөр саат 22:00дө өрттү толугу менен өчүрүштү.

Учурда өрт кырсыктарынын келип чыгуу себеби такталууда.

Автор: Бактыгүл Момбекова