Сокулукта кыз зордуктоого шектүүнүн чоң энеси: "Неберемди актабайм, күнөө кылса жазасын алсын"

Сокулук районундагы 17 жаштагы кызды зордуктоого шектүү жарандын чоң апасы Булбүбү Сарбашева окуя тууралуу үн катты. Айтымында, айылда он чакты киши гана коркутуп, көчүрүп жатат.

"Мен шектүү баланын чоң апасы болом. Үйдө балам, келиним, неберем, келинчеги жана 4 баласы болуп чогуу жашачубуз. Менин 40тай небере-чөбөрөм бар. Эми үйү жок талаада калдык. Неберем жазасы үчүн түрмөдө жатат, ал кылмыш кылса бизде эмне күнөө? Чиедей неберелерим мектепке барбай калды. Айылдын аксакалдары дагы укпай жатат. Укук коргоо органдары бизди кайтарып турат. Менин балам күнөө кылып коюптур, эл-журттан кечирим сурайбыз. Биз балабызды актаган жокпуз. Балабыз өз жазасын тартсын деп жатабыз. Келинчеги бар. Аларды каякка алып барып жан сактайбыз? Кыш кыроодо ушинтип көчүрүп жатышат. Элден коркуп турабыз. Өзүбүздүн жерге батпай калдык.

Баламды чыгарып деле берейин, кааласаңар өлтүргүлө дедик. Экспертизанын жыйынтыгы чыга элек, ар ким ар кандай деп жатат. Ушул үйдү ак эмгеги менен салган. Бир кирпичтен баштап өзү жасаган. Ал эми аксакалдар соту жаш, кызуу кандуу балдардан коркуп жатат. Өзүнчө жаштар коому уюшулуп алып эле айыл өкмөткө дагы баш ийишпейт экен. Кана мыйзам? Атасына баласы жооп бербейт да. Бала кылмыш кылды, эмне кылат өздөрү билет. Ата-энеде эмне күнөө", - деди шектүүнүн чоң апасы.

Буга чейин шектүүнүн туугандары айылдан көчүп кеткенин SUPER.KG порталына айыл тургундарынын бири билдирген. Көп өтпөй эле порталыбызга шектүүнүн жакын тууганы үй-бүлө Бишкекке көчүп келгендигин айткан.

7-декабрда айыл эли зордуктоого шектүү жарандын үй-бүлөсүнө 2 күн убакыт берип, айылдан көчүп кетүүсүн талап кылышкан.

Буга чейин Чүй облусунун Сокулук районунда 17 жаштагы кызга кол көтөрүп, зордуктоого шектүү жаран кармалган.

Белгилүү болгондой, кыздын атасы Сокулук РИИБине арыз менен кайрылган. Анда арыз ээси 5-декабрь күнү эртең менен 2004-жылы туулган кызын белгисиз бирөө Бишкек шаарына жумушка жеткирип коюуну убада кылып, жолдон күч колдонуп зордуктап салганын билдирген. Бул факты Кылмыштардын жана жоруктардын бирдиктүү реестрине 154-берене ("зордуктоо") боюнча катталып, сотко чейинки өндүрүш иши башталган.

Сокулукта кыз зордуктоого шектүүнүн үй-бүлөсү айылдан көчүп кетти

Автор: Азат Бейшенбеков

12:12 09-12-2021

Жазылуу

РУБРИКАДАГЫ СОҢКУ КАБАРЛАР

10:13 2024-07-27 | Спорт

"Олимпиада -2024": Кыргызстандын атынан биринчи болуп Денис Петрашов чыгат 3 0

08:16 2024-07-27 | Саясат

Садыр Жапаров Парижде Олимп оюндарынын ачылышына катышты (видео) 727 0

00:07 2024-07-27 | Коом жана турмуш

"Үмүт" үйүнүн ашпозчусу Гүлдөсүн Уезалиева: "Бул жакка келген ата-апалардын көпчүлүгү келиндин жамандыгынан келдик дешет" 821 0

23:55 2024-07-26 | Кылмыштар, кырсыктар

ИИМ: жарым жылда мыйзамсыз жүгүртүүдөгү 12,8 тонна баңгизат жок кылынды 307 0

23:27 2024-07-26 | Түркүн дүйнө

Иранда журналист өлүм жазасына тартылды 1635 0

22:21 2024-07-26 | Коом жана турмуш

Ош-Бишкек унаа жолундагы көрнөк-жарнактар алынууда (видео) 662 0

Архив

Комментарийлер (9)

alimbek94

2021-12-09 12:38:56

Айылдын эли караңгы экен. Дагы деле илгерки менталитет менен калптанып калыптыр кыргыздар. Күнөөнү ким кылса, ошол өзүн гана жооп берет мыйзамдын алдында. Башка үй бүлөө мүчөлөрүндө эмне күнөөсү бар экен. Мындай көрүнүштөр өнөкөт адатка айланбаш керек. Ошол коркутуп жаткан айыл тургундарын өзүн караш керек.

-7

nazira...

2021-12-09 14:31:38

alimbek94,сени зордуктабаптыр ошондо билет элең

+10

Aimani

2021-12-09 12:52:33

Башкаларга сабак болсо экен. Экинчи башка бирөө ушундай иш кылаарда ойлонсун.

+13

Gulina00

2021-12-09 14:33:24

Баласы учун ата-эне азап тартты сууктун кунундо,эшектин аялы бар экен,аялын каалашынча зордуктай бербептир,торт баласын ойлобогон акмак.

+11

nazira...

2021-12-09 14:34:46

Көчүп кетсеңер өзүңөргө деле жакшыбы дейм да, тынч жашайсыңар. Бул жерде өмүр бою баш көтөрө албай өтүп кеткенден көрө кетип эле калган дурус го, балдарыңарга да.

+10

Agayu

2021-12-09 15:15:16

Кыргыз Кыргызга эле кыйын .Зордуктап эмне кылат ? И беркилерди кышында кууп эмне кылат ? Таш доорунда жашап жатабыз , аны моюнга алышыбыз керек .Жок дегенде аксакалдар Жазга чейин убакыт берсе болмок .Айылдын зокурлору ото эле ашыкча чынында .Законду терен ойлонуш билбейт .Кызуу кандуулука коп алдырышат .аларга закон кызыктырбай

NURSAPAR

2021-12-09 18:18:06

Эне бечарага эле жабыр да. Чиедей балдары кайда барат. Тигил акмакты актабайм, жазасын алсын!!! Үй-бүлөөсүндө эмне күнөө аларды куубаш керек эле.

Sajakat14

2021-12-09 18:27:07

Көчүп кеткиле. Эл силер менен чогуу жашагысы келген жок. Себеби атасы дагы, бир туугандары дагы ушундай иштерге барышкан турбайбы. Элдин акысы бар баарыңарды көчүрүп жибергенге.

VENOM

2021-12-10 11:28:11

Далбич ойлонбой кылган ишинен жакындары азап чегип жатат, ушундан көрө өлүп эле албайбы

Комментарий калтыруу үчүн өз ысымыңыз менен кириңиз же каттоодон өтүңүз.