Бишкектин мурдагы мэри Нариман Түлеев мамлекетке 11 батирин берет

Бишкек шаарынын мурдагы мэри Нариман Түлеев ага мурда конфискацияланган батирлери кайтарылып берилгени тууралуу маалыматка социалдык тармактагы баракчасы аркылуу комментарий берди.

Экс-мэр соттун чечими менен анын үй-бүлөсүнө сегиз батир, ал тургай буга чейин Айсулуу Тыныбековага берилген батир да кайтарылып берилиши керектигин жазды.

"Ленин райондук соту тарабынан акталдым. Мен 8 батир боюнча мурда эле ойлонуп, чечим чыгарып койгом. Батирлерди мамлекеттик ипотекалык компанияга өткөрүп бердим. Аларды адегенде ээсине кайтарып, анан ээси мамлекетке өткөрүп берүү мыйзамдуу түрдө туура болот. Мындан тышкары мамлекетке 2 имарат берип жатам. Манас проспектисинде жайгашкан "Сапат борборун" ӨКМга берем, ал эми Үмөталиев көчөсүндөгү имаратты Санариптик өнүктүрүү министрлигине берем. Жалпысынан 11 батирди мамлекетке берем. Дагы 5-6 батирди өткөрүүнү караштырып жатам. Мындай чечимди мамлекетти колдоо үчүн кабыл алдым" , - деп жазды ал.

Эске салсак, Нариман Түлеев 2008-жылы Бишкек шаарынын мэри кызматына шайланган. 2010-жылдагы Апрель революциясынан кийин кызматтан кеткен. 2012-жылы ага "коррупция", "кызмат абалынан кыянаттык менен пайдалануу" беренелерине ылайык кылмыш иши козголуп, 2013-жылы 11 жылга камакка алуу боюнча соттун өкүмү чыккан.

Кийин 2016-жылы айып пул төлөп, мөөнөтүнөн мурда абактан бошотулган. Ал эми 2020-жылы октябрь окуяларынан кийин Түлеев мэрдин милдетин аткаруучу кызматына кайтып келип, нааразычылыктардан улам кайра бошогон. Февраль айында Жогорку Сот Нариман Түлеевди толугу менен актаган.

Автор: Азат Бейшенбеков

15:11 09-12-2021

Жазылуу

РУБРИКАДАГЫ СОҢКУ КАБАРЛАР

23:46 2025-07-18 | Түркүн дүйнө

Казакстандык дипломат аялын сабаганы үчүн 6 жылга эркинен ажыратылды 517 0

22:56 2025-07-18 | Кылмыштар, кырсыктар

Аскердеги өлүм: Жоокердин үй-бүлөсү чындыкты талап кылууда 1161 0

22:04 2025-07-18 | Коом жана турмуш

19-20-21-июль күндөрү Бишкектин айрым аймактарында жарык өчүрүлөт (тизме) 558 0

21:33 2025-07-18 | Саясат

Алмамбет Шыкмаматов Мамлекеттик салык кызматынын төрагасы болуп дайындалды 2139 0

20:56 2025-07-18 | Саясат

Алмаз Салиев Мамлекеттик бажы кызматынын төрагасы болуп дайындалды 1158 0

20:37 2025-07-18 | Кылмыштар, кырсыктар

Бишкектин мурдагы вице-мэри Ырсалиев тил каттын негизинде бошотулду 1377 0

Архив

Комментарийлер (8)

Belek1710

2021-12-09 16:22:04

Молодец.

Aimani

2021-12-09 17:53:59

Belek1710,эмнеси молодец. Ушунча батирди өз эмгеги менен таап анан мамлекетке өткөрүп берип атабы.Ууру уурдалган буюмдарды кайтарып бергендей эле да. Дагы эрдик кылгансып мактанып коёт. Билинбей калган дагы канча батири бар болду экен. Акталыш үчүн канчасын сотторго берди экен

KaGaH

2021-12-09 16:50:38

Жөнөкөй жарандар 1 батирге жетпей жүрүшөт,бул кишиде канча батир бар

Baha.Kyrgyzstan

2021-12-09 17:01:01

Үйү жок көп балалуу үй бүлөөлөргө берсе жакшы болмок.Ипотекалык компанияга берип саттырабы анда

Jelezo

2021-12-09 17:07:52

Коррупциянын башкы каарманы апкай болуп калдыбы.

nazira...

2021-12-09 17:59:59

Кокуууй менТүлеевди таза иштейт, Бишкекти ушу киши оңдогон деп жүрсөм, быягына не дейм. Эл билген үчүн мэр кылбай коюшкан экен да. Эми акталыптыр мынтип айтып чыкпай эле койбоптур.

Anikin83

2021-12-09 19:35:20

Колдобой эле жегеними кустум десе жарашмак, и то баарын эмес

Belo

2021-12-10 01:05:17

Астафур Аллах Аллах озу берсин жазанарды бишкектин жарымын эле ээлеп алган тура

Комментарий калтыруу үчүн өз ысымыңыз менен кириңиз же каттоодон өтүңүз.