Төрөбай Зулпукаров камактан бошотулду

УКМК тарабынан кармалган Жогорку Кеңештин депутаты Төрөбай Зулпукаров камактан бошотулду. Бул тууралуу Биринчи Май райондук сотунан кабарлашты.

"Бишкек шаарынын Биринчи Май райондук сотунун 2021-жылдын 9-декабрындагы чечими менен З.Т.Зулпукаровго карата мурда колдонулган камакка алуу түрүндөгү баш коргоо чарасы жокко чыгарылып, ал сот залындагы камактан бошотулду", - деп билдиришти соттон.

Ушул жылдын, 31-май күнү Төрөбай Зулпукаров УКМКга суракка чакыртылган. Анда ал "Кумтөр" боюнча сурак бере турганы маалымдалып, сурактан соң камакка алынган болчу. 27-июлда Бишкектин Биринчи Май райондук сотунда "Кумтөр" иши боюнча Төрөбай Зулпукаровдун баш коргоо чарасы каралып, мөөнөтү узартылган.

Автор: Азат Бейшенбеков