Бишкекте коомдук транспортту туура эмес жерде күтүп турган жарандарга рейд жүргүзүлдү

Бишкекте коомдук транспортту туура эмес жерде күтүп турган жарандарга жана тыгын болгон жерлерге рейд жүргүзүлдү. Бул тууралуу шаардык мэриянын басма сөз кызматынан билдиришти.

Биргелешкен ишти шаардык транспорт башкармалыгынын кызматкерлери, Бишкек шаардык мамлекеттик санитардык-эпидемиологиялык көзөмөлдөө борбору жана Транспорт жана жолдор министрлигине караштуу Транспорттук инспекциясынын жана Патрулдук милиция кызматынын кызматкерлери жүргүзүшкөн.

Инспекция ошондой эле документтерди жана коомдук транспорт салондорун санитардык-эпидемиологиялык эрежелердин сакталышын текшерген.

Рейддин жыйынтыгында 5 айдоочу жол эреже бузганы аныкталган.

Автор: Айсалкын Качкынбекова