Статком: "Көмүрдүн баасы өткөн айга салыштырмалуу 5,9 пайызга төмөндөдү"

Өлкөдө көмүрдүн чекене баалары ноябрь айына салыштырмалуу 5,9 пайызга төмөндөп, бир тонна 5 342 сом 8 тыйынды түздү. Мындай мааалымат Улуттук статистика комитетинин сайтында жарыяланды.

Маалыматка ылайык, көмүргө карата орточо керектөө бааларынын талдоосу республиканын 18 калк жашоочу пункттарында мониторинг жүргүзүлдү.

Көмүргө эң жогорку баалар:

Ноокат бир тонна үчүн – 7 989 сом 6 тыйын;
Баткен бир тонна үчүн – 7 969 сом 9 тыйын;
Кербен бир тонна үчүн – 7 824 сом 6 тыйын.

Минималдуу чекене баалар:

Чаек айылында бир тонна үчүн - 3 000 сом;
Балыкчы шаарында бир тонна үчүн – 4 049 сом 7 тыйын;
Нарын бир тонна үчүн – 4 449 сом 7 тыйын;
Токмок шаарында бир тонна үчүн – 4 598 сом 9 тыйын.

Көмүргө карата баалар үстүбүздөгү жылдын декабрында ноябрь айына салыштырмалуу

Кербен– тоннасы 1 825,4 сомго же 30,4 пайызга,
Жалал-Абад – тоннасы 333,5 сомго же 4,7 пайызга,
Покровка айылында - тоннасы 300 сомго же 5,5 пайызга бир кыйла өсүшү белгиленди.

Ошол эле учурда ноябрь айына салыштырмалуу:

Исфана бир тонна үчүн – 1 871 сом 6 тыйын;
Баткен бир тонна үчүн – 1 748 сом 9 тыйын;
Ноокат бир тонна үчүн – 1 428 сом 5 тыйын;
Токтогул бир тонна үчүн – 906 сом 2 тыйын шаарларында баанын төмөндөшүн байкоого болот.

Автор: Айжанар Рыспек кызы