"Кыргыз өлкөсү дагы бар". Борбор Азия өлкөлөрүнүн өнөрпоздору КМШнын 30 жылдыгына карата ыр жазышты

КМШнын 30 жылдыгына карата Борбор Азия өлкөлөрүнүн өнөрпоздору ыр жазышты. Бул тууралуу видео Curltai YouTube каналына жарыяланды.

Ага ылайык, ыр Борбор Азия чөлкөмүндөгү мамлекеттердин көз карандысыздыгына арналат.

Ырда Өзбекстан, Кыргыз өлкөсү, Казакстан, Тажикстан жана Түркмөнстан дээрлик бир убакта өздөрүнүн эгемендүүлүгүнө ээ болгондугу жана жараткан ийгиликтери тууралуу айтылат.

Ыр саптарында Кыргыз өлкөсүндө "Манас" эпосунун 1000 жылдык мааракеси белгилегендиги жана экс-президент Роза Отунбаеванын Борбор Азиядагы алгачкы аял президент болгондугу сыяктуу жетишкендиктер айтылат.