Бишкекте өрткө каршы куткаруучу каза болду. Ал 38 жашта болгон

Бишкекте №8 атайын өрткө каршы-куткаруу бөлүмүнүн улук офицер капитаны Айбек Артыкбаев 38 жаш курагында оорудан улам мезгилсиз дүйнө салды. Бул туурасында бүгүн, 13-декабрда Өзгөчө кырдаалдар министрлигинен билдиришти.

Айбек Артыкбаев 1983-жылы 22-апрель күнү Талас шаарында жарык дүйнөгө келген.

Билими жогорку, 2015-жылы Кыргыз улуттук агрардык университетин аяктаган.

Эмгек жолун 2009-жылы Өрткө каршы мамлекеттик Бишкек шаардык башкармалыгынын №7 аскерлештирилген өрткө каршы бөлүгүнүн өрт өчүрүүчүсү болуп баштаган;

- 2014-2015-жылдары Бишкек шаардык Өрткө каршы мамлекеттик кызмат башкармалыгынын Октябрь райондук өрткө каршы мамлекеттик кызмат бөлүмүнүн №7 аскерлештирилген өрткө каршы бөлүктүн команда башчысы;

- 2015-2017-жылдары Бишкек шаардык Өрткө каршы мамлекеттик кызмат башкармалыгынын Свердлов райондук өрткө каршы мамлекеттик кызмат бөлүмүнүн №2 аскерлештирилген өрткө каршы бөлүктүн кароол башчысы;

- 2017-2021-жылдары Өзгөчө кырдаалдар министрлигинин Бишкек шаары боюнча башкармалыгынын Свердлов району боюнча Өзгөчө кырдаалдар бөлүмүнүн №2 өрткө каршы-куткаруу бөлүгү кароол башчысы;

2021-жылдын башынан бери азыркы убакытка чейин министрликтин Бишкек шаары боюнча башкармалыгынын №8 атайын өрткө каршы-куткаруу бөлүгүндө улук офицер болуп кызмат өтөп келген.

Автор: Бактыгүл Момбекова
Фото: ӨКМнын маалымат кызматы