ГЭС-2. Окуучуну жана электр мамысын сүзүп кырсыкка кабылган унаанун сүрөттөрү

Чүйдүн ГЭС-2 аймагында 17-декабрда кечке маал айдоочу кырсыкка кабылып, электр мамысын, окуучуну сүзүп кетти. Республикалык жол кыймылынын коопсуздугун камсыздоо башкы башкармалыгынан айдоочу 37 жашта экенин, ал мас абалда болгонун белгилейт.

Мекемеден учурда жол кырсыгы боюнча тийиштүү экспертизалар дайындалып, териштирүү иштери жүргүзүлүп жатканын кошумчалап, кырсыкка кабылган унаанын сүрөттөрүн жарыялады.

Чүй облустук жол кыймылынын коопсуздугун камсыздоо башкармалыгы айдоочу кармалып, унаа айып короосуна токтотулганын кабарлады.

Автор: Бактыгүл Момбекова
Фото: Республикалык жол кыймылынын коопсуздугун камсыздоо башкы башкармалык