Эл артистинин эрке кызы, өзү бир кыздын энеси Малика Дина бүгүн 26 жашка толду

5 жашынан тарта сахнада жүргөн Малика Дина бүгүн, 19-декабрда 26 жашка толду. Ырчы туулган күнүндө борбор калаадагы ресторандардын биринде чыгармачылык кечесин өткөрөт.

Малика Дина 1995-жылы Орусиянын Москва шаарында төрөлгөн. Бишкек шаарындагы №67 мектепти бүтүргөндөн кийин АКШдагы Voice academy музыкалык окуу жайында вокал боюнча билим алган.

Көпчүлүккө "Жолугабыз аз күндө", "Суранам", "Бактыма" жана башка ырлары менен таанымал. Ал эми Малика Динанын аткаруусундагы “Ойлорум сага” аттуу ыры "Супер-Инфо" гезитинин тандоосу боюнча “2013-жылдын супер ремейки” деп табылган.

Учурда Айгүн аттуу бир кыздын энеси. Малика Дина октябрь айында тойканалардын биринде салтанат өткөрүп, анда кызынын туулган күнүн белгилеп, коомчулукка кызынын атасы ким экенин көрсөттү. "Экөөбүз жакшы мамиледебиз. Бизди ортобуздагы кызыбыздан башка эч нерсе байланыштырбайт. Ата-энелердин мамилеси өсүп келе жаткан өспүрүмдөргө таасир этет. Мен кызыбыздын бизди жакшы мамиледе болгонубузду көрүшүн каалайм. Ал учурда бойдок. Мен ага чын жүрөктөн бакыт каалайм", - деген ал.

Белгилей кетсек, Малика Дина 2014-жылы турмушка чыккан. Кийин ал жолдошу менен эки ажырым жолго түшкөн. 2018-жылы ырчы казакстандык актёр Еркебулан Токтар менен сүйүү мамилесинде деген кептер тараган. Буга Малика Динанын коңшу өлкөнүн өнөр адамы менен түшкөн сүрөтү себеп болгон. бирок Малика Дина айтылган кептерди четке кагып, кыз-жигит эмес экенин айткан.

Кыргыз Республикасынын Эл артисти Динара Акулованын эрке кызы быйыл атасы Абдумалик Шерматов менен жолугуп, мамилесин жөнгө салды. Ата, кыздын жолугушуусу, Малика Динанын бир туугандары менен таанышуусун баяндаган видеолорду Абдумалик Шерматов интернет желесине жайгаштырган. Ал эми Малика Дина социалдык тармактагы баракчалар аркылуу берилген суроолорго жооп берип жатып, атасы менен 11 жылдан кийин кайрадан кезиккенин айткан.

Балалыгы элдин көз алдында өткөн ырчынын фотоальбомун бул шилтемеден көрө аласыз.

19-декабрдын жылнаамасы.

Автор: Бактыгүл Момбекова

12:02 19-12-2021

Жазылуу

РУБРИКАДАГЫ СОҢКУ КАБАРЛАР

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 223 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 921 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 483 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 533 0

16:40 2025-05-01 | Коом жана турмуш

Абитуриентке ЭКИ сөз: Кайсы кесиптерге суроо-талап жогору болууда? 1741 0

16:07 2025-05-01 | Маданият, шоу-бизнес

Ырчы Ильяз Андаш уулдуу болду (видео) 529 0

Архив

Комментарийлер (4)

ayzhan12

2021-12-19 13:27:38

Туулган кунун кут болсун. Сага чексиз бакыт. Ар дайым ушундай эле шайыр, оптимисттик жана энергиялуу болуп журо бер.
Дайыма ушундай сулуу, жакшынакай болуп журо бер.
Эн сонун чач жасалгаларды жасатып, жарашыктуу заманбап кийимдерди тандап өзүңдүн сулуулугуңдун арттыра бер.

-2

Stervashka

2021-12-19 18:16:05

ayzhan12,чач жасалганды айта берип зб кылдынго.Тажаттын кандай адамсын ар бир жазган комментине чач жасалганды кошуп.

nazira...

2021-12-19 14:39:44

Арыктап кадганбы, же эски сүрөттөрүбү.

bond02

2021-12-19 15:46:09

Кол онорчулугу да бар го бул кыздын, аспап да жасайт го ылайдан.

-2

Комментарий калтыруу үчүн өз ысымыңыз менен кириңиз же каттоодон өтүңүз.