Жалал-Абад шаарындагы №2 үй-бүлөлүк дарыгерлер тобунун имараты капиталдык оңдоп-түзөөдөн өткөрүлдү. Бул тууралуу шаардык мэриянын маалымат кызматынан билдиришти.
Маалыматка ылайык, аталган жайдын айнек-терезелери жана эшиктери пластикке алмаштырылып, жылытуу системасы жаңыланды.
Ошондой эле имараттын ички бөлүгү толугу менен актап-сырдоодон өткөрүлдү. Ал эми имараттын алдына отургучтар орнотулуп, бейтаптарга жана дарыгерлерге ыңгайлуу шарт жаратылды.
"№2 үй-бүлөлүк дарыгерлер тобунун имаратын капиталдык оңдоп-түзөөдөн өткөрүү үчүн 2 миллион сомго чукул каражат жумшалды. Анын 70 пайызы дем берүүчү грант болсо, калган 30 пайызы жергиликтүү бюджеттен жумшалды", - дешти мэриядан.