Аялдар абагында кармоо үчүн атайын обочолонгон имараттар ачылды

Бүгүн, 21-декабрда Чүйдүн Степное айылында жайгашкан аялдар абагында кармоо үчүн атайын обочолонгон имараттар ачылды. Бул тууралуу ЖАМКнын басма сөз кызматынан билдиришти.

Маалыматка ылайык, мындан кийин аялдар абагындагы соттолгон кыз-келиндер категорияга бөлүнөт. Анда бринчи жолу соттолуп жаткандар, жашы жете элек кыздар жана көп жолу соттолгондор обочолонгон имараттарга бөлүнүп, жазасын өтөйт.

"Бул абак кыз-келиндер кармалуучу жападан жалгыз түзөтүү колониясы болуп саналат, ошондуктан анда биринчи жолу соттолгондор да, мурда эркинен ажыратылгандар да, жашы жете электер да чогуу жазасын өтөп келишкен", - деп жазылат маалыматта.

Автор: Айсалкын Качкынбекова