Бактыбек Калмаматов 8 сааттан бери УКМКда сурак берүүдө

Бактыбек Калмаматов УКМКда сурак берүүдө. Бул тууралуу SUPER.KG`ге саясатчынын жактоочусу Айым Камчыбекова билдирди.

Анын айтымында Калмаматов түнкү саат экиден бери сурак берүүдө. Арадан сегиз жарым саат өткөнүнө карабастан дале сурактан чыга элек.

"Түндө кичи ажылыкка бара жаткан жеринен аэропорттон алып кетишти. Ал башка саясатчылар Ахматбек Келдибеков, Мыктыбек Арстанбек менен чогуу бара жаткан. Башкаларды өткөрүп, Бакытбек Калмаматовду алып калышты. Аны күбө катары чакыруу кагазын берип, УКМКнын кызматкерлери алып кетишкен. Түнкү саат экиден бери сурак берүүдө. Сегиз сааттан ашык суракка алууга мыйзам жол бербейт, бирок сегиз сааттан ашканына карабастан деле сурактан чыга элек”, - деди жактоочу.

Автор: Кенжебай Сатканалиев