Бүгүн, 22-декабрда УКМКнын алдында өткөн митингде Камчыбек Ташиев аны видеого тартып жаткан жарандык активист Адилет Балтабайга видеого тартууга уруксат бербей койду. Активист ал учурда түз эфирге чыгып жаткан.
"Түшүр дейм, камераңды. Аласыңбы телефонуңду же албайсыңбы?",- деп кайрылды Камчыбек Ташиев активистке.
Андан кийин УКМКнын башчысынын күзөтчүлөрү активистке келип видеого тартпоосун айткан.
"Биз эркин мамлекетте жашайбыз. Мен жеке пиар кылган жокмун. Мен Ташиевден коркпойм, бир гана Кудайдан корком. Мага андай үстөмдүктүн кереги жок", - деди активист.