Бишкекте аяз ата, аяз кыз троллейбустардын жүргүнчүлөрүнө Жаңы жылдык маанай тартуулашты

Бишкектеги троллейбустардын жүргүнчүлөрүнө аяз ата менен аяз кыз Жаңы жылдык маанай тартуулашты. Бул тууралуу Бишкек мэриясынын маалымат кызматынан кабарлашат.

Маалыматка ылайык, №4 каттамдагы троллейбуста аяз ата менен аяз кыз жана 2022-жылдын символу "жолборс" жүргүнчүлөрдү куттукташты.

Бул жолу жүргүнчүлөргө балдардын чыгармачылык борборунун жаш артисттери жана Биринчи Май районунун №78 жана №54 гимназия-мектептеринин мугалимдери катышты.

Белгилей кетсек, аяз ата менен аяз кыз коомдук транспорттордун жүргүнчүлөрүнө 31-декабрга чейин жагымдуу маанай тартуулашат.

Автор: Кенжебай Сатканалиев
Фото: Мэриянын басма сөз кызматы