Таласта жеңил унаа оодарылып 2 адам каза болуп, дагы бирөө ооруканага жаткырылды

Талас облусунун Кара-Буура районунун Кызыл-Адыр-Аманбаев унаа жолунда жол кырсыгы катталып, эки адам каза болду. Бул тууралуу республикалык жол кыймылынын коопсуздугун камсыздоо башкы башкармалыгынын маалымат кызматынан билдиришти.

Маалыматка ылайык, 24-декабрга караган түнү саат 03:00 чамасында Таластын Кара-Буура районунда Кызыл-Адыр-Аманбаев жолунда болгон. Анда 36 жаштагы айдоочу Тойота-Сурф унаасы менен келе жатып рулга ээ боло албай оодарылып кеткен.

Кырсыктын кесепетинен айдоочу жана бир жүргүнчү алган жаракаттарынын негизинде каза болушкан. Ал эми Бакай-Ата районунун тургуну учурда аймактык ооруканада дарыланууда.

Учурда жол кырсыгы териштирилүүдө.