Кыргыз окуучулары эл аралык олимпиададан алтын жана күмүш медаль жеңип алышты

Кыргыз өлкөсүнөн 3 окуучу геометрия боюнча иран олимпиадасында 1 алтын, 2 күмүш медалды жеңип алышты. Бул тууралуу Билим берүү жана илим министрлигинен билдиришти.

Маалыматка ылайык, геометрия боюнча иран олимпиадасы 2014-жылдан бери уюштурулуп келет. Бул ирет онлайн-форматта уюштурулган олимпиадага 57 өлкөдөн 4 миң 500дөн ашуун окуучу катышкан. Олимпиаданын жыйынтыгы боюнча кыргыз окуучулары 3 медалды жеңип алышты:

1. Фёдор Корнияш, Бишкек шаарынын Е.Б.Якир атындагы №61 автордук физика-математикалык мектеп-лицейи - ортоңку класстар арасында алтын медаль;

2. Назар Киргизбаев, Бишкек шаарынын Е.Б.Якир атындагы №61 автордук физика-математикалык мектеп-лицейи - ортоңку класстар арасында күмүш медаль;

3. Тилек Аскербеков, Чыңгыз Айтматов атындагы "Сапат" лицейи - жогорку класстар арасында күмүш медаль.

Автор: Айзада Кыдырмышева