Бишкекте кээ бир коомдук транспорттордун каттамына өзгөртүүлөр киргизилди

Бишкек шаардык мэриясынын шаардык транспорт башкармалыгында коомдук транспорттун каттамдарын кароо боюнча ведомстволор аралык комиссиянын кезектеги жыйыны өттү. Бул тууралуу мэриядан билдиришти.

Мэриянын басма сөз кызматы билдиргендей, талкуунун жыйынтыгында №129 кичи автобустун кыймылын жарым-жартылай өзгөртүү чечими кабыл алынды.

Коммунаров көчөсүндөгү акыркы аялдаманы көздөй кыймыл Бейшеналиева, Рыскулов, Кулиев, Жибек Жолу кичи көчөсүндө чыгуу менен жүрүп жатат. Андан кийин каттам ошол эле трафиктин схемасы боюнча жүрөт.

Ошондой эле Лущихин көчөсү менен Теңир-Тоо көчөсүнө чейин №215 кичи автобустун каттамы узартылды.

№17 автобустун кыймылынын схемасы жарым-жартылай Сыдыгалиев, Жамгырчинов, Интергельпо, андан кийин Дэн Сяопин кең көчөсүнө чыгуу менен өзгөртүлдү.

Кошумчалай кетсек, №118 кичи автобустун каттамы Орок көчөсүндөгү №90 орто мектепке чейин узартылды.

Автор: Айзада Кыдырмышева
Фото: Бишкек шаардык мэриясы