Аламүдүн районунда өрттүн кесепетинен 1 адам каза болду

Бүгүн, 28-декабрда Аламүдүн районунун Таш-Дөбө айылынын Школьный көчөсүндө турак үйдөн өрт чыкты. Бул тууралуу Өзгөчө кырдаалдар министрлигинин басма сөз кызматынан билдиришти.

Өрттү өчүрүүгө саат 9:07де Аламүдүн райондук №28 ӨКБдан 1 бөлүм тартылып, өрт саат 9:37де чектөөгө алынган толук 9:43тө өчүрүлдү.

Өрттүн кесепетинен 85 жаштагы Л.И. аттуу эркек киши каза болду. Куткаруучулар жансыз денени чыгарып, ИИМ кызматкерлерине өткөрүп беришкен.

Үйдүн жыгач полу, бир даана эшик, 2 даана төшөк күйгөн жана өрттүн келип чыгуу себеби учурда такталууда.

Автор: Жылдыз Джускембаева