Бишкекте талап-тоноо кылмышына шектүүлөр кармалды

Бишкектин Биринчи Май райондук ички иштер башкармалыгына Аламүдүн районунун 19 жаштагы И.А. аттуу жашоочусу арыз менен кайрылган. Ал 18-ноябрь күнү саат 18.00 чамасында Медеров жана Тыныстанов көчөлөрүнүн кесилишинде белгисиз 3 адам күч колдонуу менен тоноп, жанындагы Самсунг-6102 үлгүсүндөгү уюлдук телефонун тартып алганын айтат. Биринчи Май райондук милиция кызматкерлеринин ыкчам аракеттеринен улам кылмышка шектүү делинип Ак-Өргө жаңы конушунун 18 жаштагы С.Н. аттуу тургуну кармалды.

Учурда факты боюнча тергөө амалдары жүрүп жатат.

Автор: Бекжан Рыскулов