Жалал-Абадда пиротехникалык каражаттарды саткандарга рейд жүрдү

Жалал-Абад шаарында атайын түзүлгөн комиссия тарабынан пиротехникалык каражаттар боюнча рейд жүргүзүлдү. Бул тууралуу шаардык мэриядан билдиришти.

Маалыматка ылайык, рейдге шаардык ички иштер бөлүмү, өрт коопсуздук кызматы, ошондой эле шаардык керек-жарак рыногу жана кызмат көрсөтүү департаментинин адистери чыкты.

"Анда шаар аймагында пиротехникалык каражаттарды сатууга тыюу салынганы эскертилип, үч сатуучунун пиротехникалык каражаттары сатуудан алып салынды", - деп жазылат мэриянын маалыматында.

Автор: Айжанар Рыспек кызы
Фото: Жалал-Абад шаардык мэриясы