Бишкекте эртең коомдук транспорттор түнкү саат 1ге чейин каттайт

Бишкек шаарында Жаңы жыл түнү коомдук транспорт каражаттары түнкү саат 1ге чейин каттайт. Бул тууралуу мэриянын басма сөз кызматынан билдиришти.

"31-декабрдан 1-январга караган түнү жаңы жылдык атайын каттам түнкү саат 01:00гө чейин иштейт", - деп жазылат маалыматта.

Алты троллейбустук каттам шаар тургундарын төмөнкү багыттар боюнча ташыйт:

№2, Аламедин-1 кичи району — Фрунзе заводу;
№4, эт комбинаты — Кожзавод;
№7, Туңгуч кичи району — Ак-Өргө конушу;
№10, Асанбай кичи району — Фрунзе заводу;
№14 Жал кичи району — Киркомстром.
№ 17 Асанбай кичи району — Кожзавод.

Ошондой эле Жаңы жыл түнү саат 1ге чейин бардык каттамдар автобустар, кичи автобустар каттайт.

1-январдан тарта бардык муниципалдык коомдук транспорттор эртең мененки саат 08:00дөн 20:00гө чейин, ал эми кичи автобустар адаттагыдай эле атайын график менен иштейт.

2-январдан тарта бардык шаардык коомдук транспорт штаттык режимде иштеп баштайт.

Автор: Алина Айдарбекова