Владимир Путин Садыр Жапаровду жана кыргыз элин Жаңы жыл майрамы менен куттуктады

Орусиянын президенти Владимир Путин Садыр Жапаровду жана кыргыз элин Жаңы жылы менен куттуктап, куттуктоо телеграммасын жөнөттү.

«2021-жыл достук, кызматташтык жана стратегиялык өнөктөштүк принциптерине негизделген орус-кыргыз мамилелеринин оң динамикасы менен белгиленди. Соода-экономикалык, гуманитардык жана аймактар аралык байланыштар, евразиялык интеграциялык процесстердин алкагында өз ара аракеттенүү, коронавирустук пандемияга каршы күрөштө күч-аракеттерди координациялоо күчөтүлдү. Биз Орусия менен Кыргыз жергесинин ортосундагы көп кырдуу кызматташтыкты - элдин жыргалчылыгы үчүн, Борбордук Азия чөлкөмүндө стабилдүүлүктү жана коопсуздукту чыңдоо кызыкчылыгында мындан ары да ийгиликтүү түзө берээрибизге ишенем», - деп айтылат куттуктоо телеграммасында.

Владимир Путин Садыр Жапаровго ден соолук жана ийгиликтерди, ал эми бардык кыргыз элине тынчтык жана гүлдөп өнүгүү каалады.

Автор: Жолдубек Качкынбаев