Каракол шаарында шахмат боюнча турнирдин ачылыш аземи өттү

Каракол шаары КМШ өлкөлөрүнүн “Маданий борбору” алкагында республикалык деңгээлде шахмат боюнча турнирдин ачылыш аземи өткөрүлдү. Бул тууралуу Каракол шаардык мэриясынан билдиришти.

Маалыматка ылайык, иш-чарага маданият, маалымат, спорт жана жаштар саясаты министрлигинин орун басары, президенттин Ысык-Көл облусундагы ыйгарым укуктуу өкүлү, шахмат федерациясынын президенти, Каракол шаарынын тургундары, Каракол шаардык кеңешинин төрагасы Турат Акимканов жана Каракол шаарынын мэри Эрмат Жумаев катышты.

"Иш-чара жогорку деңгээлде өткөрүлүп жатат. Алдыңкы катышуучуларга сыйлыктар жана баалуу белектер тапшырылмакчы", - деп билдиришти мэриядан.

Автор: Айжанар Рыспек кызы
Фото: Каракол мэриясы