ТИМ: "Кыргыз өлкөсү Казакстан түзүлгөн кырдаалды өз алдынча жөнгө салууга ишенет"

Кыргыз өлкөсүнүн Тышкы иштер министрлиги коңшу Казакстандагы кырдаалга кылдаттык жана тынчсыздануу менен көз салып турганын кабарлайт. Тышкы саясий ведомствонун маалымат кызматынан белгилешкендей, Кыргыз өлкөсү бир тууган Казакстандын жанында болгон жана ошол бойдон кала берерин белгилешти.

"Кыргыз жергеси боордош Казакстанга ар кандай колдоо жана жардам көрсөтүүгө даяр. Кыргыз Республикасы Казакстан түзүлгөн кырдаалды өз алдынча жана сырттан кийлигишүүсүз жөнгө салууга кудуреттүү экендигине ишенимин билдирип, союздаш жана стратегиялык өнөктөш катары зарыл болгон учурда бир тууган Казакстанга ар тараптуу колдоо көрсөтүүгө даяр экендигин ырастайт.

Зордук-зомбулук, провокация, ошондой эле мыйзам бузууларга жоопкерчиликсиз чакырыктар курч маселелерди жеңүүгө алып келбейт, тескерисинче, карапайым калктын абалын начарлатат. Өлкөнүн туруктуу өнүгүүсү жана Казакстандын ар бир жаранынын бакубаттуулугу үчүн бир тууган Казакстан элине чын жүрөктөн тынчтык, стабилдүүлүк жана биримдик каалайбыз", - деп айтылат билдирүүдө.

Митинг тууралуу кыскача:

Казакстанда 1-январдан тарта газдын кымбатташы себептүү нааразычылык акциясы башталып, 4-январда митинг курчуп, өлкөдө башаламандык орун алды. Бүгүн, 5-январда казак өкмөтү отставкага кетти. Бирок эл дагы деле тынчтана элек, башаламандык уланып, демонстранттар бир катар имараттарды басып алышты.

Ал арада президент Касым-Жомарт Токаев кайрылуу жасап, кагылышууда жабыркагандар, каза болгондор бар экенин айтып, аскер кызматкерлерине, укук коргоочуларга ыраазычылыгын билдирди. Ал мындай кырдаалда өлкөдөн тышкары чыкпай турганын, эл ага колдоо көрсөтөрүнө ишенерин белгиледи.

Абал курчуганына байланыштуу Нурсултан Назарбаевдин кызы менен күйөө баласы дагы өлкөдөн чыкканы айтылды. Ал эми тунгуч президент өзү чет өлкөгө дарылануу үчүн чыгып кетүүгө даяр экени кабарланды. Андан кийин Казакстан боюнча өзгөчө абал жарыяланды.

Автор: Бактыгүл Момбекова

23:59 05-01-2022

Жазылуу

РУБРИКАДАГЫ СОҢКУ КАБАРЛАР

11:55 2025-07-07 | Коом жана турмуш

Чукул билдирүү: Жакынкы күндөрү өлкөдө туруксуз аба ырайы күтүлөт 159 0

11:30 2025-07-07 | Коом жана турмуш

"Манас" эл аралык аэропортун оңдоп-түзөө иштери жүрүүдө (видео) 233 0

11:13 2025-07-07 | Түркүн дүйнө

БРИКС уюмунун кийинки саммити Индияда өтөт 285 0

11:08 2025-07-07 | Түркүн дүйнө

Орусиядагы чуркоо фестивалы эки адамдын өлүмү менен аяктады 520 0

11:07 2025-07-07 | Кылмыштар, кырсыктар

Таласта 30 миллион сомдук мунай базасы мамлекетке алынды 216 0

11:05 2025-07-07 | Коом жана турмуш

Бишкектеги Ахунбаев көчөсүнүн бир бөлүгү жабылды 187 0

Архив

Комментарийлер (2)

aliya-leyla

2022-01-06 00:09:05

ТИМ Кыргыз жарандарынан кабар алып атасынарбы?

Agayu

2022-01-06 00:16:44

Бир орус политолог айткан , өз чөлкөмүндө реформа болот, мин күчтүү президенти келсе деле дүйнөлүккө баш ийет.Дүйнөнү төрт эле держава башкарат биөгизбей

Комментарий калтыруу үчүн өз ысымыңыз менен кириңиз же каттоодон өтүңүз.