Кыргыз-Казак чек арасындагы “Ак-Жол”, “Ак-Тилек” өткөрмө бекеттери да жабылды. Бул тууралуу 7-январда министрлер кабинетинин төрагасынын орун басары, УКМКнын төрагасы Камчыбек Ташиев Жогорку Кеңеште сүйлөп жатып айтты.
Анын айтымында, аталган бекеттер жүргүнчүлөр жана жүктөр үчүн толук жабылган.
Чек ара кызматы 7-январда эртең менен казак тараптын демилгеси менен Кыргыз-Казак чек арасындагы “Кең-Булуң", "Токмок" автоунаа бекеттери убактылуу жабылганын маалымдаган.