Казакстандагы кырдаал: Касым-Жомарт Токаев ЖККУнун онлайн саммитинде сөз сүйлөдү. Президент эмне жөнүндө айтты? (кыскача)

Бүгүн, 10-январда Казакстандын президенти Касым-Жомарт Токаев Жамааттык коопсуздук келишим уюмунун онлайн саммитинде сөз сүйлөп, Казакстандагы кырдаалга токтолду.

Касым-Жомарт Токаевдин онлайн саммитте сүйлөгөн сөзү кыскача:

Президент ЖККУга мүчө-мамлекеттердин башка башчыларына көрсөткөн колдоосу үчүн ыраазычылык билдирди;

Казакстан тарыхтагы эң оор кризисти башынан өткөрүүдө;

Митингчилердин негизги максаты өлкөдөгү бийликти басып алуу болгон;

Бардык согуштук аракеттер бир борбордон координацияланган. Митингчилер көптөн бери чабуулга даярданышкан;

Митингчилер Казакстандын борборуна, президенттик резиденцияга сокку урууну пландашкан;

Баш аламандык учурунда жөнөкөй жарандардын ичинен каза болгондор бар. Алардын так саны учурда такталууда;

Казакстанда ЖККУнун тынчтык орнотуу күчтөрүнөн 2030 аскер жана 250 техника бар;

Казакстандын бийлигинин тынч митингчилерге каршы курал колдонгону – фейк;

Казакстан дүйнө коомчулугуна өлкөгө каршы агрессиянын далилдерин көрсөтөт;

Полицияга 8 миңдей адам жеткирилип, 166 техника алынды;

Жакынкы аралыкта Казакстанда ири антитеррордук операция аяктайт;

11-январда президент парламентке өкмөттүн жаңы курамы боюнча сунуш киргизет.

Эске сала кетсек, Казакстандын шаарларында нааразычылык акциялары 4-январда башталган. Митинг полиция менен кагылышууга жана тополоңго чейин жетти. Өлкөдө өзгөчө кырдаал жарыяланып, өкмөт отставкага кетти.

РУБРИКАДАГЫ СОҢКУ КАБАРЛАР
Архив
Комментарийлер (0)
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА