Казакстанда ур-токмокко кабылды делген Кыргыз жараны Баялы Төрөгелдиевдин учурдагы абалы айтылды

Казакстанда ур-токмокко кабылды делген Кыргыз жараны Баялы Төрөгелдиевдин учурдагы абалы айтылды. Бул тууралуу анын туугандары видео кайрылуусунда билдиришти.

Социалдык тармактарда жана айрым жалпыга маалымдоо каражаттарында Казакстанга эмгектенүүгө барган Баялы Төрөгелдиев укук коргоо органдары тарабынан кармалып, суракка алуу учурунда ур-токмокко кабылгандыгы тууралуу маалыматтар тараган.

Видеодо Баялы Төрөгелдиевдин жакындары маалыматты тастыктап, ал учурда Казакстандын Шымкент шаарындагы үйүндө жашап жаткандыгын билдиришти. Учурда анын акыбалы жакшы жана жакындары жанында экендиги айтылат.

Автор: Жолдубек Качкынбаев