Бириккен улуттар уюму: "Дүйнөдө азык-түлүктүн баасы кескин кымбаттады"

2021-жылы дүйнөдө азык-түлүктүн баалары рекорддук чекке жетти. Мындай маалымат Бириккен улуттар уюмунун сайтына жарыяланды.

Маалыматка ылайык, 2021-жылы азык-түлүктүн дүйнөлүк баасы 28,1 пайызга жогорулаган. Муну менен бул 2012-жылдан берки кескин түрдө кымбаттоо болуп калды.

Декабрь айында азык-түлүк бааларынын индекси орточо эсеп менен 133,7 пунктту түзгөн. Ноябрь айына салыштырмалуу 0,9 пайызга төмөн, бирок 2020-жылдын декабрына караганда 23,1 пайызга жогору болгон.

"Жыл ичинде дан эгиндердин баасы 27,2 пайызга жогорулады, бул 2012-жылдан берки рекорддук көрсөткүч. Жүгөрү жана буудайдын баасы 44,1 жана 31,3 пайыз, сүт азыктары 16,9 пайыз, эт 12,7 пайызга кымбаттады. Өзгөчө өсүмдүк майы жана кумшекердин баалары өстү. Тагыраагы, өсүмдүк майы 65,8 пайызга, канттын баасы 37,5 пайызга көтөрүлгөн. Ал эми күрүчтүн баасы 4 пайызга төмөндөгөн. Кой, уй жана тоок эттери эң чоң өсүштү көрсөттү", - деп айтылат маалыматта.

Эксперттер баанын кымбатташын өндүрүүчүлөрдүн, анын ичинде энергетикага жана транспортко кеткен жалпы чыгымдардын өсүшү менен түшүндүрүшкөн. Мындан тышкары буудай түшүмүнүн жетишсиздиги жана борборлоштурулган сатып алуулар таасир эткен.

Автор: Айпери Бакталбек кызы

10:27 12-01-2022

Жазылуу

РУБРИКАДАГЫ СОҢКУ КАБАРЛАР

02:15 2025-05-18 | Коом жана турмуш

Бишкектин борбордук аянттындагы желек айрылды (видео) 170 0

20:31 2025-05-17 | Түркүн дүйнө

Эрдоган Макрондун манжасын бир топко чейин коё бербей койгон видео тарады (видео) 2795 0

20:30 2025-05-17 | Түркүн дүйнө

Түштүк Кореядагы заводдо ири өрт чыкты (видео) 686 0

18:40 2025-05-17 | Түркүн дүйнө

АКШ түрмөсүнөн 10 туткун качып чыккан (видео) 1591 0

17:14 2025-05-17 | Түркүн дүйнө

Ирак Газа менен Ливанды калыбына келтирүүгө каражат бөлөт 1072 0

16:24 2025-05-17 | Коом жана турмуш

Парижде Садык Шер-Нияз кыргыз акындары менен тамашалуу айтыш курду (видео) 1559 0

Архив

Комментарийлер (3)

nurbek11

2022-01-12 10:54:09

Жок мен макул эмесмин. Кымбатчылык кыргыз бийлигинин шалаакылыгынан болду деп бироо чыгат.

Baatirbek81

2022-01-12 11:52:54

nurbek11,туура айтасың кебирөлөрү жазып жатышпайбы өкмөт күнөөлү деп!
Бүткүл дүйнө жүзүндө болуп жатат кымбатчылык!

-2

ErkinOkenovich

2022-01-12 12:23:21

nurbek11,ал адамдар бийликти жана С.Нургожоевти коралбагандар жазышат.коздору кор болуп калгандар.аларга миң айтсан дагы жетпейт,кирбейт.бара бара жашоо кандай болот болду экен? 1 нанды азыркы 1 мешок ундун баасына алып калабызбы деп ойлойм.

-3

Комментарий калтыруу үчүн өз ысымыңыз менен кириңиз же каттоодон өтүңүз.